تدميس الفول بالتفاصيل والنتيجه روعه

القائمة الرئيسية

الصفحات

تدميس الفول بالتفاصيل والنتيجه روعه

المقادير :ـ
 نصف كيلو فول تدميس (ونختار وأحنا بنشتريه الفول يكون كبير ولونه فاتح ويكون فول مكمور لما تروحى عند العلاف قوليله عايزة فول تدميس مكمور وأسمه كده علشان هو بيتعرض للحرارة شويه عشان يعيش وما يبوظ وهو بيكون اغلى من الفول الغير مكمور وطبعا هو فول بلدى)ودة بيكون طعمه أحلى فى التدميس
وممكن تشترى أكياس بس تبصى فيه كويس أحسن ساعات بيبقى (مسوس)



ممكن تسويه فى حلة تيفال
اودماسة فول
2 ملعقة كبيره عدس أصفر



2 ملعقة كبيره فول مدشوش او أرز


2 ليمونه


الطريقه



ننقع الفول لمده لا تقل عن 4 ساعات وذلك لنزول المواد الضاره الموجوده به
نغسل الفول ونضعه على النار فى الدماسه واللى معندهاش مفيش مشكله تضعه فى حله عادى بس تكون عميقه وغطاها محكم .
حتى يغلى ثم نضيف العدس بعد غسله والفول المدشوش( أو الارز) كمان بعد غسله...



ونتركه حتى يغلى لمدة 3 دقائق .


ثم نعصر الليمون و الليمون هو اللى ما بيخليش الفول يسود وكمان نضع القشره بتاعت الليمون أيضا فى الفول (ممكن ليمونه سليمه بدل القشر وعند الاستواء طلعيها وارميها وهى سليمه).وقشر الليمون ميخليش طعمة ممرر .



ثم ننقله على أصغر عين فى البوتجاز ونضع تحته الشياطه بتاعت الارز ونتركه حوالى من 4 الى 5 ساعات .
وطبعا نتابعه على النار عشان لو الميه قلت نغلى ميه ونضعها عليه وأوعى تحطيها ساقعه من غير تسخين أحسن الفول بيغيب فى السوى وكمان يسود...
وبعد ما يستوى الفول أطفى النار وأطلع منه قشر الليمون
وأترك الفول يبرد وان كان عليه مياه كثيره أصفيها بالراحه وأضعه فى أكياس نايلون بكميه مناسبه لعدد أفراد الاسره وعلى الفريزر لان تدميس نصف كيلو هيكون كميه كبيرة على يوم واحد...


.وبالهنا والشفا

ــــــــــــــــــــــــــــــــــــــــــــــــــــــــــــــــــ

طريقه اخرى ومتجربه
 هتنقى الفول وتنقعيه  قبلها بيوم



تانى يوم تغيرى المية بتاعته


وضعى  :ـ
حبة طماطم مقطعة


حبة ليمون مقطعة


شوية عدس اصفر صغننين


شوية قمح صغننين برضو


اقل من ربع رغيف عيش مقطع


سر العيش ان احنا لما بنشترى الفول من برة بنلاقى المية بتاعته جميلة وعاملة زى الصوص كدة


طبعا هانغلى كل المقادير مع بعض


وبعد ما تغلى سيبيها على نار هادية


لغاية ما الفول يستوى


ومتفتحتيش الغطا قبل 3ساعات

 


مجمع للأفادة