عايزه تخلصى من دهون المطبخ وخصوصا القديمه وبسهوله من غير دعك كتير وبسفنجه وخصوصا قبل رمضان

القائمة الرئيسية

الصفحات

عايزه تخلصى من دهون المطبخ وخصوصا القديمه وبسهوله من غير دعك كتير وبسفنجه وخصوصا قبل رمضان


اشتروا نشادر من عند العطار ولما تشتروها حطوها برطمان زجاج واقفلوا عليها كويس لانها بتطير ولما نخدوا من البرطمان خدوا بملعقه جافه



هاتوا نوع صابون سائل نظيف قيمة ما هتنظفوا بيه وحطوا عليه نشادر






( ا/2 كوب صابون سائل + 3 ملاعق كبيره نشادر +3 كوب ماء دافئ )


وسفنجه اسكوتش برايت واغسلى السيراميك في المطبخ او الشفاط والبوتاجاز وشوفي الفرق










اما عيون البوتاجاز شويه من المكونات السابقه واغليها فيه وسيبيهم شويه بعد ما تتطفي البوتاجاز واغسليهم بسلك الواعين وشوفي لفرق


اوعى حد فيكم يجيب كلوركس اي كان نوعه ويحطه على الخلطه اللي فاتت على النشادر احسن بيتفاعلوا مع بعض وبيعملوا ريحه ممكن تخنق
انا غليت ميه جامد وحطيت عليها النشادر و الصابون السائل وطبعا عملت فوران اخدت الفوران والرغوة وحطيتها علي الدهون كلها وسبتها 5 دقايق وبعدين دعكتها بسيط طلعت كلها ومااخدتش مجهود خالص




لو الدهون قديمه جدا اغلى ميه جامد وحطي عليها النشادر و الصابون السائل وطبعا هتعمل فوران خذى الفوران والرغوة وحطيتها علي الدهون كلها وسبيها 5 دقايق وبعدين ادعكتها بسيط هتطلع كلها ومش هتاخد مجهود خالص


 حتى غطا البوتجاز وكمان جربيها في الثلاجة من جوه وبره والنتيجه اكثر من هااااااااايلة
والخلطه ده تنفع مع الدهون اللي بتكون علي المطبخ الخشب من فوق( علي سقف الخشب )


وعلى السيراميك وعلى سقف المطبخ كمان حتى خشب المطبخ وجربي


حتى الدهون اللي على البوتاجاز من الجناب عند مفصلات الزجاج مش هتلاقيها
وإلا شفاط المطبخ بقا مجرد ما تحطي السفنجه عليه مش هتدعكي
والسيراميك مش هتلاقي فيه دهون خالص
الحاجه هترجع جديده كانك لسه شرياها ومن غير اي مجهود مره بعد مره ,


هتقولى لكل قرايبك عليها








وهقولك حاجه حلوه جدا للاخشاب عموما اذا حبيتي تلمعيها لمعيها بجلانس بتاع الزجاج راااائع على الخشب وخصوصا الصالون وغرف النوم




النشادر بـ 2 جنيه يغرقوا الدنيا يملوا برطمان مربى وازيد شويه



النشادر ريحتها زاعقه فعلا لكن الصابون والماء هيضيع ريحتها وكويس جدا على الاخشاب في المطبخ علشان الزيوت


لاتعملى الخلطه ديه وتسبيها على اساس انك تستخدميها تاني فى اى وقت لان النشادر بيطير



منقول للافاده ادعوا بالخير لصاحبة الوصفه