ساندوتش هامبرجر لذيذ هامبرجر زى بتاع بره مع مخلل خيار يخلل فى ساعه واحده

القائمة الرئيسية

الصفحات

ساندوتش هامبرجر لذيذ هامبرجر زى بتاع بره مع مخلل خيار يخلل فى ساعه واحده


ساندوتش لذيذ ... هامبرجر زى بتاع بره مع مخلل خيار

الخيار المخلل:ـ

هاتجيبى خياره او خيارتين زى مانتى عازوه هاتقطعيهم ترانشاط وتحطيهم فى حله صغيره او طاسه غويطه شويه

وعليهم ماء +خل+ معلقه سكر كبيره

مقدار الماء والخل يكونو قد بعض و ممكن تزودى الخل شويه لحد مالمايه والخل يغطو الخيار الى فى الحله او الطاسه يدوبك كدا يغطيه
 ضعيه على النار
 وسبيه شويه على نار هادئه
 يغلى مع نفسو
هاتلاقى لونو ابتدى يتغير وطعمو طبعا بقى خيار مخلل مسكر زى بتاع ماك بالظبططططططططططططططط
كلى منه فى نفس اليوم

الساندويتش


المقادير:


طماطم

خيار مخلل

بصل(كل دا متقطع سلايزات)

خس كابوتشا

جبنه سليز(بريزيدون جودا)لونها اصفروطعمها خاطير مع الهمبرجر

 عيش كيزر
و كاتشب ومايونيز وماستر

الطريقه

بجيب هامبرجر حلوانى جامبو دى بتبقى 18 واحده والواحده 100 جرام

لو عندك شوايه كهربا يبقى حلو قوى معندكيش
معاندكيش خالص بقى يبقى هاتحطيه على الشوايه بتاعت الفرن بس هدى النار عشان مياتحرقش

قبل ما الهامبرجر يستوى كدا فى الاخر هاتروحى فاتحه واحدايت جبنه وتحطيها عليها عشان تسيح عليه

وبعد كدا هاتجيبى العيش تحطو اول حاجه المايونيز وبعدين الخيار وبعدين ورقه كابوتشا وبعدين سلايزيات بصل

وبعدين الهامبرجرايه وطبعا هايكون عليه الجبنه

وعليها بقى فوق الطماطم والكاتشب

ممكن تحمرى جمباها بطاطس فارم فريتس وبيبسى او سفن اب عشان تبقى كومبو
ـــــــــــــــــــــــــــــــــــــــــ
منقول 
ـــــــــــــــــــــــــ