الغساله ما بتصرفش الماء ..تغير الطرمبه.الطلمبة بالصور والفيديو

 الغساله ما بتصرفش الماء ..تغير الطرمبه.الطلمبة بالصور والفيديو
الجزء الثانى من تصليح الغساله بنفسك
اسم العطل: الغساله ما بتصرفش الماء
الحل:
1ـ تنظيف الفلتر جيدابفتحه وتنظيفه بفرشاة الاسنان تحت الماء الجارى
او تنظيف الفلتر بعد فتحه وادخال سلكه مثنيه كما بالصوره بالراحه خالص حتى لاتقطع الخرطوم الداخلى وابحثى عن اى شى ممكن يصد السلكه كما بالصور











او تنظيف فتحة الصرف الموجوده بالحائط التى بها يوضع خرطوم الطرد..اوتنظيف خرطوم الطرد الخارج من الغساله 
او ميلى الغساله وشاهدى طرومبة المية اللى من جوة اضغطى بايدك على الخراطيم وتحسسيها لو فيها حاجة محشورة كما بالصوره



2ـ ان لم تصرف الماء بالرغم من التنظيف فليس امامك الا تغير الطرمبة(ضرورى التنظيف حتى لاتغرمى ويازال العطل وان كان صانيعى سيكشف على الغساله خليكى جنبه وشوفى بيعمل ايه فى بعض الصانيعيه يقولك الطرمبه بايظه ويكون بس الخرطوم مسدود وينظفه وتكون  الطرمبه سليمه وياخد السليمه ويركبها لذبون اخر)
سعر الطلمبه ومكان بيعها فى مصر:ـ
سعرها حوالى35 جنيه ومكان الشراء شارع كلوت بيك برمسيس(شوفتى الفرق و بعض الصنايعييه يقولوك غاليه ممكن تجبيها وهو يركبها وتقدرى انت مصنعيته غير لما يجبها هو)



شكل الطلمبة (ممكن اللون يختلف بحسب ماركة الغسالة)


طلمبة الطرد










الوظيفة:
تفريغ الماء الموجود بالغسالة عند اللزوم تبعاً للبرنامج.


المكان:





  1. توجد فى أسفل الجهه الأمامية للغسالة


فاذا كانت هناك اى اسباب من شانها ان تحد من كمية الماء الواصل من الحلة الى تجويف الطلمبة او من الطلمبة الى


الخارج. فسينتهى وقت تشغيل محرك الطلمبة فى الوقت المحدد بدون ان تفرغ الكمية باكملها ويتبقى كم من الماء بداخل الحلة


وذلك يؤدى الى عدم نظافة الملابس كما يجب وايضا عدم عصره جيدا.
ولذلك فى اكثر الموديلات يوجد فلتر
الفلتر:ـ






الوظيفة
ذا ثقوب واسعة نسبية يستقبل المياه الاتية من الحلة يحجز الشوائب الكبيرة التى من شانها ان تضر او تتلف ريشة الطلمبة كالعملات


المعدنية الصغيرة ويسمح بمرور باقى الشوائب الصغيرة مع بقية الاوساخ الناتجة عن الغسيل.


وهذا الفلتر اذا ترك مدة كبيرة دون تنظيفه ىقلل من كمية الماء الواصلة الى تجويف الطلمبة وبالتالى تطرد بكميات اقل.
المكان:
يوجد الفلتر فى أسفل الجهه الأمامية للغسالة .
وصف العمل:
ماء الغسيل الغير نظيف يمر من خلال هذا الفلتر وبالتالى يحجز الاشياء التى يمكن ان تؤثر على عمل الطلمبة ولذلك
يجب بعد كل عدة مرات غسيل ان يفك الفلتر ويتم تنظيفة جيدا.
ودائما تتبقى كمية من الماء داخل تجويف الطلمبة ولذلك عند فك الفلتر ستنزل كمية من الماء ويفضل وضع وعاء
أسفل الفلتر قبل فكه.
فى بعض الموديلات يوجد غطاء فوق الجزء السفلى الذى به الفلتر وفى حالة الأحتياج لتنظيف الفلتر يفك الغطاء السفلى ثم يفك الفلتر.
طريقة تغير الطرمبه بالصور:ـ















المصدرام نشوى









تغييرالطلمبة(الطرمبة) فيديو:ـ









طريقة اخرى لفك الطرمبه من الغساله











   طريقة اخرى  لتركيب الطرمبه (الطلمبة)فى الغسالة







تنظيف درج المسحوق والكاوتشه الداخليه



لقد غيرت اليوم(26_نوفمبر_2010) طرمبة الغساله
نوعها ايديل زانوسى اكواتك 18 بروجرام
قبل ما يحضر الاسطى الصنايعى شوفت الفلتر ودخلت فيه سلكه براحه جدا لم اجد به شى وكذالك جعلت احد يساعدنى فى ميل الغساله للأمام وشاهدت الخراطيم وحسيتهم بيدى لم اجد شى (حتى اكون متأكده ان سبب عدم صرف الغساله للماء ان ما فيش حاجه فى الفلتر او الخراطيم كشراب مثلا).
 وكنت فرحانه وانا بناقش الصنايعى انى فاهمه وهو حس بكدة وحسيت انه مش هيعرف يضحك على (كنت عايزه اعمل الموضوع بس زوجى لم يوافق  ..الموضوع سهل جدا ولم يأخذ وقت وخاصة ان الصنايعى حس انى فهمه هو هيعمل ايه )
هو احضر الطرمبه بخمسين جنيه
واخذ مصنعيه 25 جنيه
يعنى اخذ فى الاخر 75جنيه
 احنا سألناه ان الطرمبة ب35 جنيه هو قال انا اشترته ب50 جنيه لان الرخيصة بتبوظ بسرعه وديه الايطالى الصراحه كان شكله صادق حتى ترك كرتونة الطرمبه الجديدة وقال اسألوا عليها لم ندقق هذه صورتها يمكن حد يقولكم سعر اعلى او اقل منها تكونوا عارفين


غير لما تكونى مش عارفه هو هيعمل ايه ويقولك ( اذا لم يكن عنده ضمير) 120جنيه واحيانا اعلى من هذا الرقم






وهذه صور الطرمبة القديمة (هذا الجزء خلصنة منه وركبنا واحد غيرة)




تعليقات

  1. موضوعك مفيد جدااا بجد انا استفت لانى عندى نفس المشكلة ربنا يكرمك

    ردحذف
  2. سامحوني انا عارف ان المنتدى للنساء فقط لكن لابد أن تعم المنفعة
    شكرا ليكم عالموضوع الشيق واللي أفدني كتير لأني لسه فاكك الطرمبة بتاعتي النهار ده خاصة بعد ما الصنايعي قالي انها بتركيبها بـ15 دينار
    وده طبعا مبلغ كبير أوي بالنسبة لفرق العملة وهروح اشتريها الوقتي واشوف فرق السعر الفظيع ده حقيقي ولا ادعاءات كاذبه
    تسلموا خواتي

    ردحذف
  3. شكرا جدا على هذا المجهود الرائع ولكل من شارك فيه ولم يبخل باي معلومة ومزيدا من التوفيق

    ردحذف
  4. تاني شكرا عشان انتو حلتلولي مشكلة

    ردحذف
  5. انا باشكر الجميع فى ما تم تقديمه من عمل نافع للجميع

    ردحذف
  6. ابا حل لغسالتي انها تغير لون الملابس و تبهت ؟

    ردحذف
  7. المدونة للنساء فقط يا أ عبد الله ....

    ردحذف
  8. ربنا يوفقكم فى مساعده الناس ولكم جزيل الشكر

    ردحذف
    الردود
    1. أشكرك جدا .وجزاك الله خيرا

      حذف
  9. شكرا كثيرا على هذا الموضوع المهم استفدنا كثيرا من معلوماتك القيمة

    جزاك الله خيرا

    ردحذف
  10. أزال أحد مشرفي المدونة هذا التعليق.

    ردحذف
  11. أزال أحد مشرفي المدونة هذا التعليق.

    ردحذف
  12. أزال أحد مشرفي المدونة هذا التعليق.

    ردحذف
  13. أزال أحد مشرفي المدونة هذا التعليق.

    ردحذف
  14. الله يرحم والديك

    ردحذف
  15. غسالتى زانوسى القديمة ومش بتطرد خايفة أخد الخطوة وماعرفش اكمل ��

    ردحذف
  16. غسالتى فيها نفس المشكلة وخايفة اجرب وماعرفش

    ردحذف
  17. انا عندى غساله فوق اتوماتيك يونيفرسال بتطرد الميه لكن مش بتعصر بعد اى خطوه ويتصفر حد ممكن يساعدنى

    ردحذف
  18. انا عندى غساله فوق اتوماتيك يونيفرسال بتطرد الميه لكن مش بتعصر بعد اى خطوه ويتصفر حد ممكن يساعدنى

    ردحذف

إرسال تعليق