تعالي اقولك تروقي مطبخ ازاي كلام عملي مش كلام مجلات

القائمة الرئيسية

الصفحات

تعالي اقولك تروقي مطبخ ازاي كلام عملي مش كلام مجلات









الحمد لله مطبخي على طول نظيف ومنظم
بصراحة هو كبير بس برضه انا مهتمة بيه جداااا
تعالي اقولك تروقي مطبخ ازاي(كلام عملي مش كلام مجلات)
انا بحب اقرا كتير عن المطبخ وطريقة تنظيفه
بس بصراحة معظم المواضيع اللي بدخلها
بحسها دش كتييييير عالفاضي
او تحسي ان الموضوع معقد

باذن الله انا هحاول ابسطهولك

هنتكلم عن تنضيفه وتترتيبه

التنضيف
مبدئيا كده:
لما بتصحي الصبح وانتي بتصلي الفجر
بتطلعي الفول اللي في الفريزر
(انا بخزنه بالاسبوع)
وبتحطيه في طبق وتسيبيه يفك
وكمان بتطلعي اللي انتي ناوية تطبخيه للغدا ان شاء الله

وممكن ترجعي تنامي تاني
لما بتصحي بقى وتودي الاطفال المدرسة
وتخلصي ارجعي وصلي الضحى
وبعدين ابدئي الهمة

وانتي شغالة كده قولي اذكار الصبح

خلصتي قولي اذكار عادية وجددي نيتك في عملك في بيتك

الصحابة كانو تجار نوايا
يعني يعملو حاجة واحدة
وومكن ب70نية
وبياخدو ثوابهم


جهزي الفطار اتعودي عشان تبقى سريعة
ابدئي بالحاجة اللي هتاخد وقت
يعني قطعي البطاطس واقليها وعبال ما تطيب
طيبي الفول والبيض
وعبال ما يتعملو تكوني جهزتي الخضار المقطعة والجبنة
والمخلل والحلاوة الطحينية والعسل او المربى
يعني قصدي المعلبات(وبكده هيكون الفطار تمام)

ونصيحة اي حاجة تتوسخ جري اغسليها

وعندي نصيحتين مهمين:
-حطي عالحوض سلة صغيرة او علبة جبنة كبيرة
لبسيها كيس(حطي فيها الزبالة)
زي قشر البطاطس او قشر البصل
ولما تخلصي ارمى الكيس في السلة الكبيرة

-متحطيش اطباق كتير عالمطبقية
لانك كل ما كترتي هتكسلي تغسلي المواعين
وهتلاقيهم فجاة كتييييير

حطي مثلا طبقين من كل نوع
ولو اتوسخو مش هيملو الحوض قوي
وجري هتغسليهم عشان
تستخدميهم تاني(والله طريقة ممتازة)


انا بقى حاطة عالسفرة مفرش بلاستيك
كنت شرياه ب7ونص
وفوقه مفرش سفرة جميل(بس رخيص)
بحط الغالي لما يجي الضيوف
ولما نجي ناكل بشيل المفرش القماش
واحط المفرش البلاستيك (اعلق عالشاي واوطي خاااااااالص)
خلصتي بقى الفطار وفطرتو
امسحي مكان السفرة
بفوطة مخصصة ونظيفة وارمي اللي
عليها في طبق من الاطباق
اللي خلصت عالفطار

اجري اكنسي تحت السفرة(باي مكنسة)

وبعدين ادخلي اعملي الشاي

خلصتي وشربتو الشاي
ادخلي اغسلي مواعين الفطار
وامسحي البوتجاز
والرخامة والارض

ومشي بسرعة عالاجهزة اللي عندك
بفوطة مخصصة لكده بالديتول او اي مطهر وريحته حلوة
زي الخلاط والميكروويف والكاتيل
واي حاجة ظاهرة عالرخامة

امسحي الارض واغسلي فوطك واخرجي
وانتي في قمة السعادة
وراااااااااااااااااحة بال

تعالي بقى ارتاحي معانا شوية على فتكات
وبعدين ادخلي بقى اعملي الغدا
هنبدأ بايه
حطي نوع اللحمة اللي هتطيب
وعبال ما تطيب
اعملي الرز والخضار
وياريت طبق السلطة(بس يكون طازة قبل الاكل مباشرة)

او الغدا اللي تحبيه واهم حاجة الغسيل
اول باول للمواعين

خلصتي بقى يومك في المطبخ
اغلي شوية مية مع اي زيت
برفان بتحبيه
هيخلي ريحة الشقة جنة

امسكي كيس الزبالة واقفليه
وجهزيه عشان ترميه
وغيري كيس تاني للسلة
واغسلي السلة باي مطهر عندك

حاجات بقى اسبوعية:
-اغسلي التلاجة ومتحطيش فيها اطباق
خلي كل حاجة في طقم التلاجة
ده بيحافظ على شكل وريحة وطبيعة الاكل
وبرضه ريحة التلاجة (وممكن تحطي فحمة)

-امسحي مكان الزبالة بالديتول ونظفي المكان كويس

-اغسلي الفوط ومريلة المطبخ
في الغسالة بمية بتغلي وكلور او اوي مطهر
مع الاريال او مسحوق التنظيف العادي

-ممكن تغسلي المشاية اللي في المطبخ
خلصتي كده خلاص

للتنظيم والترتيب بقى:
حطي في طقم التلاجة العلب الكبيرة
الرز والمكرونة والسكر
والدقيق ولسان العصفور والشعرية والذي منه
وهما في اكياسهم(بس هيحفظ مطبخك ومنظره )

استغلي العلب الفاضية بتاعت الصلصة
وحطي فيها التوابل
والبهارات وخلى لكل برطمان حاجة
يعني انا مثلا عندي برطمانات:
حبهان كمون وفلفل اسمر وكزبرة
وزعتر وروز ماري وكاري وكركم
وزنجبيل وقرفة و سماق وورق لورا
وفي برطمانات كبيرة:
شوفان وفيجتار وباشميل
وخلطة سمك وخلطة كبسة ونشا
ونوعين عصير(برتقال وتفاح)
وشوفان ونسكافيه وبن وكاكاو وحلبة
وكركديه وبس كده
بفتح الرف ده
نفسي بتتفتح جدااااااااااااااااااا

وانا فارشة التلاجة بمفرش حلو قوي
الموضوع ده بيخلي تلاجتك شيك جدااا
وقبل ما تحطي اي حاجة في التلاجة امسحيها من تحت

ادراج المطبخ انا مخصصاها:
الاول للشوك والمعلاق والسكاكين
والمقاوير والقطاعات بتاعت البسكوت
واسياخ الشواية

التاني للفوط بتاعت المطبخ الجديدة وجلد الانبوبة
وليفة المواعين والسلك

التالت للاكياس البلاستيك(انا بشتري بتاعت اللبن)
وبحط كمان القصدير والبلاستيك اللي بغلف بيه
والجوانتيات وورق الزبدة وورق المطبخ

اكياس السوبر ماركت بخصصها للزبالة(بحطها في شنطة السوق)

الرابع والاخير بحط فيه قطع الخلاط (الكتشن ماشين)
اللي مش بستخدمها تقريبا
وكمان مشترك او لمبة باظت(قريبي بياخد لمبتين بايظين
من الموفرة وبيدني واحدة سليمة)

وعلى قد ما بقدر بخلي مطبخي نضيف دايما
نامي عالسرير وانتي مطبخك
فلة-شمعة-منورة
وبالك مرتاح ومستعدة لاي ضيف

متنسوش تقيموووووووووووووووووو
احسن اجيب لكم العوووووووو

ادعولي ربنا يشفي عمورة لان دراعه مكسور
ويبارك فيه وفي جنى ويجعلهم من حفظة القران الكريم
وينجح جوزي في الماجستير

مش لازم تكتبو الدعوة
المهم عندي تدعولي انا وزوجي وعيالي ولو في سركم

منقول