احصائيات المدونه

الأربعاء، 13 يونيو، 2012

حماتي حبيبتي بتقولي انتي بتخلي المواعين تبرؤ كده ازاي



 حماتي في البيت معايا وهيا بصراحة لازم يوميا تطلعلي يا  اكل يا  فاكهة يا  حلويات 

تاني يوم انزلها الاطباق بتاعتها والصواني الالمونيا لاقيتها مرة بتقولي انتي بتعملي ايه 

تخلي الالمونيا بتلمع وتررؤ كده دنا مابعرفش انها حاجتي 

وهاقولكو السر بقي هيا فعلا بتبقي الصواني باهته ومسوده وحالتها حالة وبنزلهلها كانها اول مرة تستخدمها


ملح الليمون هوالسر

انا بجيب ملح الليمون من عند العطار بجنية مثلا واحط نصه في بخاخة واملاها ميه سخنة وشوية صابون سايل اللى بنغسل بيه المواعين
و ارش الصينية اللي عايزة اغسلها من جميع النواحي واسيبها بس 3 دقايق وبعدين اجيب حتة سلك جديدة واغسلها بقي 
هتشوفي الرغاوي بتزل كل السواد والصفار الللي في الحاجة وهتلاقيها بتلللللللللللللللللللللللللللللللمع وجربي
للكوبيات والاطباق كمان:
وممكن بردو تغسلى بخلطة ملح الليمون الكوبيات والاطباق عادي وهتلاقيها بتزيق من النضافة واللمعان
البوتاجاز:

وتعملي بيها البوتاجاز وبيخليه كانه جاي بكرتونته لسه 
السراميك والحيطة:
وبيبقي فيه دهون لازقة علي الحيطة جمب البوتاجاز بردو برشها بخلطة ملح الليمون ديه واجيب سكينة المعجون(اشتريها من عند اي موان بجنية ) واعمل بيها الحيطة او السيراميك وبيسيحها في5 دقايق
ولما تخلصي بقي المطبخ وتخليه يبروؤ 
اهتمي بيدك:
تروحي جايبة نص ليمونة عادية وتعصريها في كف ايديكي وتحطي معلقة سكر وتدعكي تدعكي لحد ما السكر يدوب وتدعكي بقشرة الليمون وبعدين اغسلي ايدكي بقي وشوفي النعومة والبياض
وياريت تعملي كده كل ما تستخدمي ملح الليمون ده علشان ايدك ما تسودش ولا تخشن من غسيل الحاجة 
 انا مش عايزة اكترمن دعوة حلوة منك ولو في سرك
منقول

هناك تعليق واحد:

  1. افكار جميله جدا تسلمي ربنا يبارك فيكي يارب ويصلح حالك

    ردحذف

Related Posts Plugin for WordPress, Blogger...