تجربتي فى ازاله رائحه الفم الكريهه وتبييض الاسنان
موضوعي بقا هتكلم فيه عن تجربتي مع رائحه الفم الكريهه والاسنان الصفرا الي بجد كنت بعاني منهم فوق ما اي حد يتخيل
والله كنت لما بتكلم لازم ابعد متر عن الي بكلمه واوقات بحس الناس مستاءه من ريحه الفم وطبعا ده بسبب اني عندي صديد ع اللوز وجيوب انفيه ملتهبه فتخيلو بقا
المهم بقا وعن تجربه والله ريحه الفم دي اختفت خالص اقلكم ازاي :
اول حاجه جبت قرنفل من عند العطار ب 2 جنيه او بجنيه زي متحبي وكل ميخلص تيجيبي تاني ودي صورته
قبل منام اخد وحده قرنفل وتحت اسناني افرمها وبلساني احطها ف كل بقي كده بحيث ريقي كله يبقا قرنفل
واول مصحي علطول نفس الحكايه بعد متمضمض بالميه
والله القرنفل ده هايل انا حاسه انه عالج التهاب اللسه عندي وكمان مخدر للالم بتاع السنان قوي ده غير انه قضي ع ريحه فمي تماما
تاني حاجه بقا كل يوم وانا باخد شاور اغسل سناني بمعجون كرست
اهم حاجه وانتي بتغسلي سنانك انك بالفرشه تغسليها من فوق لتحت والعكس مش تمشي عليها كده يمين شمال
التكه بقا علشان تحسي بنتيجه اي معجون انك بعد متغسلي سنانك تسيبي المعجون 5 دقايق ف بقك ومش تكرريها كتير يعني انتي هتحسي بفرق من 4 مره بالكتير
النتيجه بقا ان الجير الي ع اسنانك والي جوه ده بيتفتتت واللون الاصفر الغامق ده بيختفي وعن تجربه
وبجد احلي معجون ممكن تستعمليه كرست ملهوش حل
كمان بقا حاجه مهمه اوي وسنه عن الرسول عليه افضل الصلاه والسلام السواك قبل كل صلاه والله والله من تاني يوم هتحسي بالفرق بس المهم يكون اصلي ونوعه كويس
اخر حاجه بقا وفعلا اهم حاجه الي لو عملناها مش ريحه الفم بس الي هتتغير لا والله كل جسمنا هينطق من النظافه
الوضوء علطول وطول الوقت
والله نعمه كبيره علينا الوضوء
انا مبقتش اقدر اطيق اقعد ساعه من غير متوضي
مره للضحي ومره فرج ومره قيان ومره لقرايه المحصف والفروض
والله لو عملتي كده لتحسي بفرق كبير
منقول للافادة