احصائيات المدونه

السبت، 19 يناير، 2013

تفتيح الاماكن الحساسه الداكنة بطريقة طبيعيه من غير بودرة تلك

تفتيح الاماكن الحساسه الداكنة  بطريقة طبيعيه من غير بودرة تلك

هقولكم علي الخلطه اللي جربتها لتفتيح المنطقه الحساسه وبجد النتيجه روعه والفضل يرجع لربنا ثم العضوه banota bt7eb raby بجد بشكرها من كل قلبي وبتمني يكون ربنا حقق لها امنيتها للامانه هي كتبت الوصفه عباره عن ماء ورد وبودرة تلك وزيت زيتون وسكر بس انا لقيت ناس كتير اعترضت علي بودرة التلك لانها اكتشفوا انها بتسبب والعياذ بالله سرطان فيما بعد المهم عملت سيرش علي جوجل لقيت كلامهم صح


 ولقيت دكتورة صيدله ربنا يبارك لها كانت بتاكد انها مش كويسه وممكن نبدلها بالنشا والنشا ليس له اي اثار جانبيه المهم انا جربتها فعلا بالنشا وبجد تحفففففففففففففففه بجد مش هتتخيلوا النتيجه والله ان المنطقه عندي بعيد عنكم كانت زي الجلابيه السودا وانا اصلا بشرتي بيضا فتخيلوا بقي المنظر المهم انا بقالي 20 يوم بستعملها والنتيجه الحمد لله تفتيح ممكن 3 او 4 درجات

المكونات:-
كوب ماء ورد
6 معالق نشا صغيرين بس يكونوا ملاينين
4 معالق زيت زيتون
معلقة سكر كبيره


ماء الورد بجيبه من الصيدليه

 والنشا اللي هو في علب العادي بتاع الاكل
 وزيت الزيتون يكون من بتاع الاكل عشان نضمن انه نقي

طريقة التحضير:-

1-بصي بقي بتجيبي ماء الورد والزيت والسكر وتقلبيهم كويس اوووووووووووي

 2-وبعدين تحطي النشا وتقلبي كويس برده وبعدين عالنار وانتي لسه بتقلبي او ل ماتحسي انها تقلت شويه (شويه بس مش تبقي مهلبيه ياعسل وترجعي تدعي عليا وقلبي كويس لحد ماتلاقيها كريمي  )شيليها من عالنار المهم تكون الخلطه سخنت.
 
3-وهي سخنه شويه حسب احتمالك لدرجة الحراره ادهني المنطقه الداكنه في جسمك المهم تكون سخنه عشان المسام تكون مفتوحه وتشرب الخلطه

4-وبعدين استني شويه لحد ماتنشف شويه يعني حوالي عشر دقايق

5-والبسي بنطلون تكوني مستغنيه عنه وتسبيها كده خمس ساعات عالاقل .

6-وبعدين تغسليها بماء فاتر وان شاء الله تلاحظوا الفرق من اول مره


وتتكرر كل يوم بس انا مش بحطها ايام البريود
بس بالله عليكم اللي تجرب وتتبسط من النتيجه تدعيلي بالذريه الصالحه وتدعي لbanota bt7eb raby ان ربنا يديها كل خير ويحقق لها امنياتها لانها صاحبة الفضل بعد ربنا في الوصفه دي مع تعديلي البسيط في وصفتها

ملحوظه :-
الكميه دي تقضيكي كذا مره وقبل كل مره تسخني الخليط عشان زي مااتفقنا المسام تتفتح وانتي بتسخنيها مبتكملش دقيقه وتقلبي تقليبتين بس اوعي تكلكع منك
وعشان تحافظي عالنتيجه باذن الله حافظي علي جفاف المنطقه دايما خليه سلوك في حياتك يعني التنشيف المستمر بعد الحمام اعزكم الله

منقول لروعته

هناك 23 تعليقًا:

  1. بارك الله فيك و ان شاء الله سأجربها, يا رب يرزقك الذرية الصالحة الطيبة

    ردحذف
    الردود
    1. ضحكتيني جلابية سودا الحال من بعضه دمك شربات الله يوفقك

      حذف
  2. 4 ملاعق زيت زيتون كبيرة ولا صغيرة ؟؟؟ الله يوفقك و يرزقك بالدرية الصالحة

    ردحذف
  3. المكونات لما اعملها واستعمالها البقيه اضعها في الثﻻجه واستهملها ثاني يوم وﻻ بعدين

    ردحذف
  4. والطريقه هذا مظمونه

    ردحذف
  5. يعني مظمونة

    ردحذف
    الردود
    1. بأذن الله .أشكرك يا قمر

      حذف
  6. ربنا يكرمك بالذريه الصالحه

    ردحذف
  7. امين يا رب العالمين.أشكرك جدا وبارك الله فيكى

    ردحذف
  8. طب نفس الوصفة لتحت الباط وربنا يرزقك بالذرية الصالحة

    ردحذف
    الردود
    1. اه كلها اماكن حساسه يا قمر وهى طبيعيه بأذن الله خيرا..أشكرك

      حذف
  9. انا بقت معايا زي المهلبيه كدا ارميها واعمل غيرها ولا استخدمها عادي؟

    ردحذف
  10. ربي يرزقك بالذرية الصالحة يارب
    آخذ سكر عادي أو ناعم

    ردحذف
    الردود
    1. اللهم امين . مش هتفرق لانك كده كده هيسيح من التقليب والحرارة

      حذف
  11. لو سمحتي ممكن ماء الورد يالي منجبها من مولات ولا لازم من عند صيدلي

    ردحذف
    الردود
    1. اللى فى الصيدلية بيكون افضل وافضل لو شركة لها منتجات طبيه معروفة لان اللى فى المولات والمحلات اوقات كتير بيكون اى كلام.أشكرك جدا

      حذف
  12. مروة الصغير25 يونيو، 2015 4:28 ص

    أزال أحد مشرفي المدونة هذا التعليق.

    ردحذف
  13. كم مقادير نشاء و زيت زيتون و ماء الورد و سكر /

    ردحذف
  14. اذا بقت زي المهلبيه نرميها والا نستخدمها،
    وبالمرات الجايه برضو نسخنها والا ؟

    ردحذف
  15. طيب راح نلاقي نتيجة ونقدر نسخنها ولا لا

    ردحذف

Related Posts Plugin for WordPress, Blogger...