احصائيات المدونه

الثلاثاء، 5 مارس، 2013

القضاء على اسطورة السيلوليت وجسم مشدود وبياض زى الاجانب جارى التحميل



تجربتي.في.القضاء على.السيلوليت,مكافحة السيلوليت,جهاز تفتيت الدهون I-Zen,فرشاة السيلوليت الكهرباء,أسرع طريقة للتخلص من السيلوليت,السيلوليت تدليك , فرشاة,


بصوا يا بنات انا هحكلكم قصتى سريعااا

 انا والحمدلله كنت بعانى جداا من السيلوليت وان الجزء السفلى من الجسم مش مشدود اوى مع انى وزنى مثالى جدااا والحمدلله

فى الاول افتكرت انه زيادة وزن اكتشفت بعدها انو مالوش علاقه بالوزن اصلا جربت

وصفات كتير وكنت بسمع برامج تلفزيونيه كتير جداا

وكل دكتور يقولك الرياضه وجربتها لمدة 2 شهر وبردة من غير اى نتيجه ملحوظه

والمشكله انى مش صبورة فكرت اعمل جلسات الحقن سالت صديقه لى سعوديه قالتلى انها نتيجها مش حلو اوى وبتترك اثار غير انها غاليه جداا

- فقررت انى ادور على اى حل علشان ننفسيتى ادمرت وعايزة حل يكون فيه وصفه تدخل عقلى وتكون علميه عقلى يصدقها

 مش وصفه نت وخلاص وكل ما ادخل الاقى وصفات لاجهزة وبردة الناس بتقول مابتجش نتيجه

بعد عناء اكتشتفت بفضل الله واكتشف الحل اللى ازهلنى و7
بياض جسم مشدود مؤخرة مشدودة زى ما تكون مرسومه زى الاجانب جناب مرفوعه الحمدلله رب العالمين

اولا 
التدليك ثم التدليك ثم التدليك
التدليك بشكل دائرى زى عقارب الساعه على المكان المصاب بالترهل والسيلوليت لحد ما جلدك يحمر

 دة علميا معناة ان الدورة الدمويه اتنشطت انتى كدة عملتى اول خطوة علميه الا وهيا تنشيط الدورة الدمويه

فى المكان بليفه خشنه خدى بالك ما تقسيش اوى على نفسك لحسن تتعورى او تتجرحى وتدخلى تتدعى عليا علشا ن المكام كله شعيرات دمويه وفيه ناس عندها دوالى.

 اكتشفت المعلومه دى ان التدليك ليه مفعول السحر واتاكد من دة من كلام

الدكتور عادل عبد العال

ان التدليك
يساعد على تكسير تجمعات الدهون في السلولايت ويجب ان يكون التدليك في حركات دائرية صغيرة باطراف الاصابع وذلك لتحفيز عمل الدورة الدموية والنظام اللمفاوي الذي يعمل على تخليص الجسم من الدهون والسموم


انا سمعت الكلام دة كنت بدهن على طول بزيت زيتون وقرنقل وجنزبيل بس
مؤخرا بدهن بزيت زتون
وربي وما اعبد شاهد على كل كلمه بكتبها التدليك بشكل دائرى زى عقارب الساعه بليفه خشنه

لعلمك الشخصى التدليك بيعمل حاجتين:-
 اولا:
 بتبيض المكان ودة التفسير العلمى ليه ان تنشيط الدورة الدمويه بيحفز الجلد للرجوع للونه الطيبعى اللى ربنا خلقنا عليه عامل زى طريقه التقشير الكميائى فى مراكز التجميل

ثانيا:
 بيخلى الدم يسيح الدهون المتراكمه فى المكان

الطـــــــــــــريقة:-

1-التدليك بالليفة الجافة خالص ما فيهاش ولا نقطة مياة او اى شئ على جلد جاف ايضا  بشكل دائرى زى عقارب الساعه على المكان المصاب بالترهل والسيلوليت لحد ما جلدك يحمر
(  حاولى تكون ليفه خشنه شويه بس مش جامد لحسن تعوركو بعدها)


وخدى بالك المسامات بتتفتح من التدليك بعد ما تدلكيها كويس بطريقه دائريه وتلاقى لونها احمر يبقى كدة انتى نشطى الدورة الدمويه

2- وقتها على طول  مباشرة تعملى صدمه الزيوت بضع الزيوت
و بدلك الزيوت بحركه دائريه وادوس باطراف صوابعى على المكان كانك بتنغزى المكان


ودة اسمه الصدمه يعنى بتسيحى الدهون بنظام الصدمه بالزيوت لمدة عشرة دقايق


نوع الزيوت:-
انا كنت بضع على المكان فى الاول زيت القرنفل والجنزبيل  حاليا بضع زيت زيتون قوى ونفاذ

يتخلخل بسهوله ويطرى الجلد ويشدة و ينعمه  ولفيدته فى التفتيح


- انا سالت دكتورة جلديه قالتلى التقدم والتحسن الملحوظ مش بكثرة الزيوت ولا نوعها تخيلى بمدى قوة الزيت فى انو يتخلخل فى الجلد

-والزيوت دى مش بتخسس دة بتسيح الدهون المسئوله عن السيلوليت فى الجهاز اللينفاوى التدليك مالوش علاقه بالتخسيس دة مش اكتر من انو بينشط الدورة الدمويه

- وربي وما اعبد ودينى تانى ما هتصدقى النتيجه فى اقل من شهر شوفى حصل ايه لقيت بياض غريب فى المؤخرة والجناب وكمان

السليويت خف جدااا بنسبه 90 % ولسه بكمل وهفضل اكمل النتيجه عقلك مش هيصدقهااا ورب الكعبه وكمان هتلاقى جلدك اتشد زى

الممثلين والاجانب وكمان مؤخرة مشدودة وجناب مشدودة ودة التفسير العلمى ليها لان تنشيط الدورة الدمويه انتى كدة بتعملى تحفيز

للجلد علشان يرجع للونه الطبيعى وشدته الطبيعيه اللى ربنا خلقنا بيها

3-  بشرب المياه بكميات كبيرة
 بالتفسير العلمى علشان الدهون اللى بتسيح تخرج من جسمك والسموم كمان

المدة الزمنيه:-

بالنسبة للتدليك كل يوم

والزيوت يوميا الى ان توصلىلنتيجة 80%   ممكن تعمليها مرتين فى الاسبوع

 - هتعودى على التدليك وهيبقى جزء اساسى من يومك
- بخصوص الزيوت بصى يا ستى علميا زيت الزنجبيل والقرنقل مش بيخسسوا هما بيسيحوا الدهون بس لما بتحطيهم مع زيت الزيتون مفعولهم بيهدى جداا
الزيت والملابس:-
-انا فعلا عنيت من موضوع الزيت دة لدرجه عملت لبس مخصوص لفترة الصبح  لحد ما الجلد يتشرب الزيت  فى وتحسى ان جلدك شربه يعنى مش اقل من ساعه مثلا او ساعتين وبعدها اغسليه واستحمى براحتك ان حبيتى.



-والله انا حسيت بالفرق من اول 15 يوم
-و انا سمعت من دكتورة قالتلى لازم تستمر على التدليك واعتبريه جزء من الشور بتاعك لان الاماكن دى بتكون معرضه انها ترجع تانى والله اعلم


- وفى فرشاة السلوليت لسه هجربها بدل الليفة (ناس بتشكر فيها كتير)
منها اليدوي وده بحوالى 5 جنيه
اضغط على الصورة لفتحها بصفحة مستقلة

طريقة استخدمها
الجزء اللى من اسفل اللى شبه الشعر
بندلك بيه الجلد بدل الليفه على الناشف طبعا فى الخطوة الاولى
والجزء اللى من فوق اللى شبه المطاط 
بندلك بيه الزيت فى الخطوة الثانية

ومنها الكهرباء وانواعه كتير واللى فى الصورة بحوالى ب180 جنيه


فرق كبيييييير بين السليوليت والاسترتش مارك

 السليوليت هو:-

 عبارة عن انحباس جيوب من الدهون بين انسجة الجلد بحيث يظهر الجلد مثل قشرة البرتقالة.

فهو تكتلات دهنية تحسي الجلد شبه المطبات وبيبان اكتر لو مسكتي الجلد تلاقيه متكتل كده ومليان حتت ناشفة دا هو السليوليت و ومش لازم يبقى الشخص تخين اوي عشان يبقى عندو سليوليت لا بيظهر في الاجسام العادية لانه تكتل دهون في مكان محدد ودةشكل السليوليت شايفين التكتلات الدهنية ؟
القضاء على اسطورة السيلوليت وجسم مشدود وبياض زى الاجانب جارى التحميل

انما الاسترتش مارك مختلف هو:-
 عبارة عن خطوط بتظهر فالجلد نتيجة الزيادة المفاجأه فالوزن فالجلد بيتمدد وبيعمل خطوط احيانا بيكون لونها احمر ودي مرحلة بدائية لكن لما بيكون ابيض بيكون مرحلة متأخره وصعب علاجه وفي اي حال من الاحوال علاجة الوحيد هو الترطيب

منقول ومجمع للافادة

هناك 25 تعليقًا:

  1. شكرا استفدت كتير

    ردحذف
  2. شكرا ليكى افدتينا بجد

    ردحذف
  3. بعد اذنكم انا اسمى جورى انا لسةوالدة من شهرين ونصف وبطنى كبرت وعندى الخطوط فى جنابىبس بطنى مش بعرف البس لبسي خالص منها ولو كلة يبقى طرق طبعية يبقى ليكم جزيل الشكر بس مش عايزة اخس لانى مش تخينة ارجو الرد لان المنظر العام مش لذيذ

    ردحذف
    الردود
    1. حمدا لله على سلامتك ومبروك يا جورى ربنا يحفظ مولودك من كل شر وفى مدونة بيبي كيوت خاصة بالمولود الجديد...
      اولا :- كان لازم تربطى بطنك بعد الولاده بس الفرصة لسه موجوده ممكن تبدئ من دلوقتى يا قمر
      ثانيا:- دائما اشفطى بطنك للداخل وانت جالسة او واقفه
      ثالثا:- تمارين البطن مهمه جدا وسنضع موضوع بالفيديو حتى تشاهديها مخصوص لكى
      دة رابط الموضوع
      http://kgjody.blogspot.com/2013/03/blog-post_22.html

      حذف
  4. انا جورى شكرا ليكى انى رديتى وافدتينى عنجد ميرسي ليكى كتير

    ردحذف
    الردود
    1. اهلا بيكى يا جورى ...وانا سعيده بتواصلك معانا.

      حذف
  5. انا جورى دكتور لصاحبتى قال لتخسيس البطن شمر ويانسون وليمون يغلو ويشربهم مع معلقة سكر و مرة تانية جنزبيل مع قرفة
    سؤالى لو سمحت هل فى اى شي فى اللى كتبتة دة بيضر اللى بترضع او بيضر الاطفال فى شي بليز ارجو الرد

    ردحذف
    الردود
    1. بأذن الله ما فيش حاجه بتضر لان الشمر والينسون من مكونات بيبي كالم اللى بنديه للطفل لما بيتولد علشان الغازات .....والليمون والجنزبيل والقرفه كلها مواد طبيعيه لان تضر بأذن الله ...شكرا لك .

      حذف
  6. مش عارفة اقولك اية انتى بجد مفيش زيك غير ان اسلوبك بيريحنى ويخلينى مطمنة بتفيدينى كمان ميرسي ليكى بجد والك جزيل الشكر ياقمر جورى

    ردحذف
    الردود
    1. ربنا يبارك فيكى .وأشكرك جدا .

      حذف
  7. السلام عليكم موقعك جميل قوى
    فى جهاز اسمه الديرما رولر بيشكروا فيه قوى للسيلوليت ومشاكل الجلد بصفه عامه

    ردحذف
    الردود
    1. هى فعلا الة جميله جدا وانا عملت موضوع عنها ليكى يا قمر شكرا لكى ...رابط الموضوع
      http://kgjody.blogspot.com/2013/03/blog-post_28.html

      حذف
  8. ممكن أعرف الفرشاة الكهربائيه الاقيها فين في مصر؟

    ردحذف
    الردود
    1. http://forums.fatakat.com/thread4908715 هتلاقى بنوته بتبعها فى الصفحه هذه ب40 ج فقط

      حذف
  9. ممكن أعرف الفرشاة اللي ب 5 جنية اشتريها منين وجزاك الله كل الخير

    ردحذف
  10. شكرا كتير رح أجرب وانشالله أستفيد

    ردحذف
  11. شكرا الله يعطيك العافية افدتيني كثير 😊

    ردحذف
  12. السلام عليكم اختي حبيت اسأل عن استخدام بذرة الكتان للتخسيس بيقولوا لها اضرار على الرحم هل صحيح

    ردحذف
  13. لوسمحت بعد ١٥ يوم بتبان النتيجة بنسبة ٩٠٪ انا لسة عندي ١٦ سنة وعندي سيلوليت ومبصبرش خالص

    ردحذف
  14. يعني النتيجة حتبان بسرعة

    ردحذف
  15. مروة الصغير25 يونيو، 2015 1:55 ص

    أزال أحد مشرفي المدونة هذا التعليق.

    ردحذف

Related Posts Plugin for WordPress, Blogger...