تخلصى من الصراصير والنمل نهائيا وخاصة فى الصيف بعد ثلاث ايام بعد تجربة


تخلصى من الصراصير والنمل  نهائيا بعد ثلاث ايام بعد تجربة  صراصير نمل التخلص من الحشرات
انا عارفة ان كتير مننا بيشتكى من الصراصير والنمل وخصوصا ان الصيف بدأ والمشكلة دى بتخلينا نتحرج لو حد شافها عندنا وبالذات فى المطبخ.انا كنت بعانى بردة لغاية ما لقيت الحل بنت كانت كاتباة فى منتدى ربنا يباركلها ومن ساعتها جربتها فى بيتى وعند ماما ومصدقتش لما لقيت مفيش اثر لصرصار.
انواع الصراصير

انتى هتروحى لاى محل بيبيع رش صراصير ومبيدات هتجيبى
 نص كيلو او كيلو بوريك اسيد  هو الكيلو لا يزيد عن 14 جنيه
الخلطة السحرية:-

 هتحطى 3 معالق كبار من البوريك اسيد
معاهم معلقة دقيق
ومعلقة سكر
ومعلقة لبن بودره
وشوية مية صغيرين
ونقطة زيت .
الطريقة:-

وهتعجنى كل المكونات دى لغاية ما تلاقى العجينة مش بتلزق فايدك وتعرفى تحطيها على اى حاجة من غير ما تقع.

وتبتدى تحطيها فاى مكان شاكة ان فيه صراصير او نمل

وهتلاقى النتيجة بعد 3 ايام لان فى اول ايام الصراصير هتبتدى تطلع من جحورها عشان ريحة العجينة وهتلاقى المنظر غريب وهتعملى كده بس متتخضيش كل ده عادى مجرد ما ياكلوها هتلمى جثث كتيييييييييير.
اهم حاجة اللى يقرأ الموضوع يدعيلى بالذرية الصالحة انا وكل مشتاقة.ومستنية تقيمو وتجربو.ونفسى الموضوع يقعد فترة عشان الكل يستفيد
منقول 

Enhanced by Zemanta

تعليقات

  1. أزال أحد مشرفي المدونة هذا التعليق.

    ردحذف

إرسال تعليق