أفضل ترتيب تفريزات رمضان 2015

من الافضل يكون عندك فريزر منفصل 
لان فريزر الثلاجه يجمد لكن لا يوصل لدرجة البرودة المطلوبة 

علشان كده الاكل بيفقد طعمه وجودتة بعد ما يطلع منه

لكن الفريزر المنفصل يحافظ على نكهة الاكل وجودتة

-ولابد من فصل المجمدات ذات الروائح النفاذه 
كالثوم والبصل مثل السمبوسه والكفته
عن المجمدات الثانيه علشان ماتأثر عليها
لو عايزه تفرزى اوزان متساويه او بدقه
استخدمى كوب المعيار


 او الميزان
 shopping
 list
شوبنج ليست
بتعملى قايمه تكتبي فيها كل اللى هتحتاجيه
علشان ما تنسيش حاجه 
او تشترى حاجه 
زيادة 

أكياس التفريز
نوعان واحد بيتقفل وهذ افضل واسرع
والاكياس العاديه
وقلم لكتابه النوع والتاريخ

وممكن تحتاجى أطباق فوم
لو هتفرزى على طول
من غير ما تفرزى على مرحلتين

لكن  لا تضعى الاكل مباشرة على تلك الاطباق 
ضعى كيس بلاستيك شفاف عليها قبل وضع الاكل عليها  
فى ناس بتفرز على طول فى اطباق الفويل

خطوات التفريز فى الاكياس 
لاى نوع اكل  :

رصي الاكل على صينيه مغطاه بالكامل بكيس بلاستك 
ورصي طبقه من المفرزت
وضعى كيس مره ثانيه وطبقة مفرزت وهكذا الى يخلص المقدار
وأدخليهاالفريزر الى ان تجمد 

وبعدين قسميها في اكياس
(الكيك والكب كيك ممكن يتفرزوا)

أفضل نوعيه أكياس فالكون قويه وما يطلع منها الروائح 

الطريقة الصحيحه لرص
 أكياس التفريز فى الفريزر

حاولى دائما يكون الكيس مسطح
ده هيوفرلك مساحه ووقت البحث والتنقيب
جوه الفريزر 
ممكن ترصيهم فى مجموعات 
تستخدم مع بعض
مثل كيس بسله 
وراه كيس جزر 
وراه كيس صلصه
يطلعوا من الفريزر مع بعض وقت التحضير

او ترصيهم كنوع واحد
مثل 
اكياس صلصه مع بعض
تفريز اللحوم:
  اولا الدجاج:

هاتى دجاج كبير
وزن 2كيلو ونص
هطلعى منهم
البانيه
الناجتس
الكوردن بلو

الاوراك والجوانح  للصوانى وللشوى
الجلد وباقايا اللحم بالعظم للشوربة
الكبد والقوانص للرز بالخلطه
البانيه
تبلي الصدور وضعيها فى الدقيق 
ثم البيض ثم البقسماط وعليه شويه نشا
وشليه فى الفريزر


تفريز الناجتس
افرمى البانيه مع بطاطسية مهروسة
 وتوم وتوابل وبيض وبقسماط خشن

وقطعيها بالاشكال ورصيها طبقه واحده على صينيه ودخليها الفريزر

ضعي كيس بلاستيك
او ورقة زبده على صينيه 
وضعى اشكال الناجتس
ثم طبقه بلاستيك
ثم ناجتس 
ودخليها تجمد فى الفريزر

 بعد ما تجمد  ضعيهم 
فى اكياس التفريز
ودخليهم الفريزر

ممكن تختصر الخطوات 
اللى فاتت
وترصيها بعد تشكيلها فى اطباق الفوم وتضعيهم فى الفريزر
تفريز الكوردن بلو

اقطعى صدر الفرخه
 وقسميه بشكل رقيق لحشوه
 ودقيها حتى يكون
 رقيق
 ويستوى بسرعه من الداخل
وتبليه 
واتركيه 3 ساعات فى الثلاجه

أثم افرديه واحشيه 
لانشون وجبنه 
ولفيه
وممكن تستخدمى خله تثبته 
 ثم بيضة  مخفوقه
  ثم ضعه في 
مسحوق البقسماط
ثم تفرزيه  
باقى الفرخه
الاجنحه
والدبابيس
تبليهم كويس
ورصيهم فى اكياس
التفريز
اللحمه
هتغسليها وتضعيها فى مصفاه
وبعدين تتبليها لو للشوى
او للسلق
او للصوانى
اللحمه المفروم:
هتجيبي كميه 
تقسميها
لحمه معصجه للصوانى
وكفتة داود باشا
وكفتة الحاتى 
وبرجر...الخ

-واللحمه المفرومه 
تتعصج بالبصل والفلفل الاسود وورق اللورا
وطماطمايه وفلفليه خضراء 
تستوى وتتفرز
  كفتة داود باشا:
نصف كيلو لحمة مفرومة
نصف  بصلة مبشورة 
 ملح وفلفل وكمون وشطة حمرا- 
معلقه دقيق 
 - فلفل أخضر(اختيارى)

الطريقة:
 1- اخلطى اللحمة مع البصلة 
المبشورة مع الملح والفلفل والدقيق وكوريها اد 
الليمونة
ثم تتفرز فى اكياس او اطباق فوم 


البرجر
مغرفة الايس كريم تضمن لك قطع
متساوية من البرجر



 كبيبه شامى
كفتة الرز
ممكن تفرزيها  بدون سوى
وممكن بعد تحميرها

السجق 
اغسلية
وصفيه وفرزيه طبقات كما ذكرنا
تفريز السمك:
السمك او بانية السمك
اغسليه كويس
وممكن تنظفيه
من الداخل

 بسهوله بفرشاة أسنان جديده
او اى فرشه مثلها

صفيه فى مصفاه
ثم تبليه 
وضعيه فى اكياس التفريز


تفريز المعجنات:
القطايف
تحشيها المكسرات ورصيها
طبقات كما ذكرنا
ثم فرزيها
وتطلع من الثلاجه تقليها 
وبعدين تسقيها سيرب 
والسيرب بتاع القطايف بيكون تقيل مش خفيف 
عجينة البيتزا 
بعد ما تخمر 
نضعها فى اكياس 
التفريز
تفريز السمبوسك

تحشى السمبوسك
ثم تدهن  بزيت خفيف 

حتى لا تلصق 

وتفرز في أكياس محكمة الغلق
 تخرج قبل ساعة من القلي أو الشوي

شاورمة
وتطلع على الميكروويف
 لمدة 2-3 دقائق
تدفئ ثم تؤكل

تفريز المكرونة
 خاصه تكون جاهزه للصوانى
أسلقي المكرونة
وصفيها من الماء
وضعى معلقة صغيره زيت  لمنع الالتصاق
ورصيها فى صنيه طبقة واحده وضعيها فى الفريزر
وطلعيه وضعيها فى اكياس التفريز ثم ادخليها ثانية الفريزر

 صلصه المكرونة على قد كل كيس عبوه او ممكن كيس صغير
نضعها فى باسكت واحد

تفريز الخضروات:
 الملوخيه
الطريقة هذه هتحافظ على لون الملوخيه الاخضر الجميل
نخرط الملوخية
نحضر حلة صغيرة على قد الملوخية

 نضع فيها نصف كوب ماية صغيرة

بعد ما تغلى الماية نضيف الملوخية ونقلب 

لغاية ماتتشرب الماية 

وهتتشربها بسرعها لانه الماية قليله
نتركها تبرد وتوضع فى اكياس التفريز
 الباميه 
1-قطعى رؤس الباميه واطرافها
2-بعد ما يغلى الماء ضعى البامية
من ثلاث الى خمس دقائق فيه
3-طلعيها من الماء المغلى الى ماء مثلج لوقف عملية النضج
نصفيها ونضعها فى اكياس التفريز
تفريز البسله 
نفس خطوات البامية

تفريز الجزر
نفس خطوات 
البامية
فى ماء مغلى لمدة3الى5 دقائق 
ثم يوضع فى ماء مثلج او ماء تحت الحنفيه
ثم قطعيه او ابشريه فى البروسيسور او المبشره


ثم يوضع فى اكياس التفريز

تفريز الفاصوليا الخضراء 
نفس خطوات البامية



وهو ده التفريز الصح والصحى للخضروات
 لوقف إنتاج الأنزيمات
التي يمكن أن تسبب تغير اللون 
أو فقدان النكهة 
يعنى ما تعمليش ناصحه 
وبتكسبي وقت  
وتفرزيهم
على كده خضر

تفريز خضرة المحشي
او اى خضرة
قطعيها
ثم ضعى فوقها شوية زيت اى ذرة او شمس 
او شوية ماء 
لتحافظى على لونها الاخضر
ضعيها فى اكياس صغيرة على قد الاستخدام


وممكن تفرزيها فى قوالب
تفريز عصير الليمون:

 طريقة رائعة وسهل 

نعصر الليمون اولا:
ثم نصبه في قالب ثلج 
ونضعه فى الفريزر
وبعد 
ما تجمد نضعهم في اكياس
التفريز  
والبيض
 ممكن يتفرز بنفس الطريقه
البياض لوحده والصفار لوحده 
 او الاتنين مع بعض
وعند تحضير عصير ليمون نضع في 
الخلاط 
مكعبات ليمون  +ماء + سكر 
ونخلطهم روووووعه

تفريز الحبوب

اى حبوب جافة انقعيها  قبل ما تنامى

والصبح غيرى الماء

واسلقيها

وصفيها 

ثم ضعيها فى الاكياس
فاصوليا بيضاء

حمص



الموز 
قشريه وفرزيه
العصاير والميلك شيك

وطلعيه للمشروبات الصاقعه 
او ايس كريم بالكاكاو واللبن والمكسرات


امانة كل اللى قرأ الموضوع يعمل شيرررررر
الموضوع مجمع وحصرى للمدونة
الصور من مواقع عديده للافاده

تعليقات

  1. أزال أحد مشرفي المدونة هذا التعليق.

    ردحذف
  2. أزال أحد مشرفي المدونة هذا التعليق.

    ردحذف

إرسال تعليق