احصائيات المدونه

الاثنين، 29 مايو، 2017

طريقة عمل الزلابية المقرمشة زى المحلات بالصور مع جودى الاروبة

الزلابية من الاكلات العربية الرائعة فى رمضان اكتشفوا وصفة،  وطريقة تحضير واضحة، مقادير دقيقة، وصور رائعة. من الزلابية، مقرمشة، هشة وشهية بكل الاوقات خصوصاً فى رمضان .
من أسمائها ( لقمة القاضى) و(العومات)..
اسهل طريقه عمل  الزلبيه المقرمشه مثل الجاهزه بالظبط ,وبدون  تعب وهشه🔮🔮 (لا تطلع طريه ولا محجره ) ..
تعالى وانا هحكيلك عملتها ازاى 🤗

اول حاجه العجينه وهى عباره عن ..
- ربع كوب نشأ
- نصف كوب دقيق
- معلقه خميره فوريه
- ومعلقه سكر
- وربع معلقة صغيرة ملح
- وكيس فانيليا
- ومعلقه زيت ..
 هتقلبيهم فى بعض وتضعى عليهم ماء دافئ الى أن تصبح عجينه مرخيه زى الكيك وتتركيها ساعه تخمر 🤗🤗🤗🤗..
تعالى اقولك ازاى تبقى مدوره زى الجاهزه هتجيبى معلقه صغيره وتهبطى العجين وتقلبيه جيدا قبل ما تقطعى علشان ميفرقعش فى وشك المهم تمسكى العجين فى ايدك مثل الصوره🤗

 وتأخذى بمعلقه الشاى قطعة صغيره وتنزلى بيها على زيت غزير وسخن على النار..
ثم قلبى بسرعه ومتبطليش تقليب لحد ما لونها يبدأ  يصفر طلعيها بسرعه وهو ده سر القرمشه انك تطلعيها تبرد مثل التى فى الصوره..

🤗 وبعد ربع ساعه تنزليها فى الزيت تكمل تحمير الى أن يصبح لونها ذهبى ❤👍..
وخلى بالك متعليش النار على الزيت خليها وسط علشان قلبها يستوى 🌡🌡..
وهى سخنه طلعيها على شربات تقيل وبارد وقلبيها وصفيها وطلعيها لاولادك هيكلوا صوبعهم وراها
وبالهنا والشفا 🥝🍍..

هناك تعليق واحد:

  1. تحفه جميله جدا تسلم ايدك

    ردحذف

Related Posts Plugin for WordPress, Blogger...