لكل ام بتشتغلازاى تطبخى فى نصف ساعه فقط وتوفرى وقتك ومجهودك للراحه والمذاكرة للاولاد

لكل ام بتشتغلازاى تطبخى فى نصف ساعه فقط وتوفرى وقتك ومجهودك للراحه والمذاكرة للاولاد

الام العامله وقتها مش بيكفى شغل واولاد ومذاكره وطبيخ وتنظيم البيت والمجهود ده كتير عليها بس انا قررت افكر ايه اكتر حاجه فى اليوم مهمه وبتاخد وقت كبير منك ؟🕚🕢🕗

طبعا تحضير الاكل اللى بتكونى جايه من الشغل تعبانه  ومش قادره بس لازم تحضريه علشان جوزك واولادك بس بياخد منك وقت اد ايه ممكن ساعه او اكتر كمان..
انا هقولك على اسرع طريقه لتحضير الاكل بسرعه جدا وبدون مجهود بس لازم تتعبى معايه يوم فى الشهر وخليه يوم جمعه مثلا وهقولك تعملى ايه 🚀..

١_ اكتر شئ بتستخدميه فى الاكل هو البصل وطبعا التقطيع وتحميره بياخد وقت ومجهود كبير فلازم نحضره قبلها يعنى نجيب كيلو بصل ونقطعه فى الكبه او على ايدك وتحمريه نصف تحميره وتسيبيه يبرد وتحطيه فى كيس فى الفريزر 🍡🍡..

٢_ الثوم تقشرى كميه حلوه وتفرميها وترشى عليها شويه ملح وزيت وتحطيها فى كيس فى الفريزر
٣_ الطماطم هتجيبى كميه كبيره شويه يعنى 5كيلوا مثلا وتسبيكيها مع ربع كوب زيت وتحطيها فى اكياس على قد الاستخدام بتاعك فى الفريزر 🍅🍅🍅🍅..
٤_الخضار اللى تعرفى تحفظيه فى الفريزر زى البسله والفاصوليه الخضره او الباميه حطيه فى اكياس على قد الاستخدام بتاعك 🍒🍓🍋🍌🍍..
٥_ اما اللوبيه والفصوليا الناشفه والحمص اسلقيهم وحطيهم جاهزين فى الفريزر🍜🍜..
٦_اتبقى الرز لو انتى بتحبيه بشعريه او محمر حمرى الكميه اللى تكفيكى وشيليها فى برطمان فى الثلاجه من تحت او بره فى المطبخ مش بتبوظ خالص وبتبقى سهله فى الاستخدام..
٧_ اما اللحمه المفرومه عصجيها وشيليها جاهزه فى الفريزر تستخدميها وقت ما تحبى 🍔..
٨_ المكرونه بقى اسلقيها من بليل وشيليها فى التلاجه من تحت🍝..
٩_ اما اللحوم تبليها وجهزيها على الطبخ وحطيها فى الفريزر ولو هتسلقيها او تشويها اطبخيها من بليل نصف سوى علشان متخدش منك وقت وكمان تستغلى الشوربه فى الاكل بسرعه متنتظريش كتير 🍖🍗🍗..
بعد كل التجهيزات دى هيكون الطبيخ سهل جدا ومش هياخد اكتر من نصف ساعه بس
انتى وخارجه الصبح خرجى اللى محتاجه من الفريزر وحطيه فى طبق على الرخامه وعلى قد الاستخدام اوعى اى شئ مجمد يسيح وترجعيه الفريزر تانى لانه بيفقد القيمه الغذائية اللى فيه.
بعد بقى ما ترجعى من الشغل حطى البصله على النار ومش هتاخد اى وقت لانها تقريبا مستويه وحطى عليها كيس صلصه وكيس خضار ..
وحطى الشعريه المحمره وعليها الرز والشوربه السخنه وسيبيه يستوى 🍛🍛..
اما اللحوم حطيها على النار تكمل نضج وتكون سخنه كمان 🍗🍗..
وقطعى السلطه على ما الاكل يستوى كويس 🍅🌶🍋..
وكل ده مش هياخد اكتر من نصف ساعه فقط لا غير لان انتى محضره كل حاجه وكمان واخده قسط من السوى 🍗🍖🌯🌮
(وبكده وفرتى وقت لراحتك واولادك وكلتى احلى اكل ومضيعتيش وقتك🍇🍎🍈🍏)
اتمنى انك تتفاعلى معايه وتقوليلى رايك ولو عندك فكره ابعتيلى..
علقى حتى نستمر بالعطاء ..


تعليقات