السمك من احلى الاكلات وليه طرق كتيير جدا فى اكله مشوى ومحمر وطواجن وسنجارى ودى اشهر طرق الكل عارفها
انا بقى عملتلكوا كفته السمك بطريقه عرفتها من صايدين من البحر الاحمر وكلتها وعجبتنى جداجدا وقولت لازم اعملها ليكوا.
المكونات :
1- سمك( ولازم يكون مفيهوش شوك يعنى نوع لحمته كتير وميكونش ليه ريحه زفر جامده زى المجمد )
2- صلصه مسبكه مع ثوم مهروس ومحمر
3- بصله وخضره مقطعه وثوم مفروم
4- ملح وتوابل وكمون وفلفل اسود
الطريقه : اخلى السمك وقطعيه
وحطى كل المكونات فى الكبه وافرميها كويس جدا
وسخنى الزيت وقطعيها دواير او اى شكل بيحبوه اولادك ونزليها فى الزيت وحمريها
وبعد كده نزليها فى الصلصه وسيبيها شويه تتسبك ... وبعد كده نزليها من النار ....
اما بقى الرز الصيديه تعالى وانا اقولك على تفاصيله
طريقة عمل أرز الصيادية
حمرى بصله كويس قوى ولازم لونها يحمر وحطى عليها كوب ماء وسيبيه يغلى وحطى عليه مكعب مرق وشويه كسبره ناشفه وبعد الغليان نضع الرز ونتركه على نار هادئه حتى ينضج....
وانا صورت لكم الطريقه بكل تفاصيلها يارب اكون وصلتاه بطريقه سهله وبسيطه ....وبالف هنا وشفاء.
رجاء لا تنسى التعليق
