أستعملى دول واضمن لك باذن الله غسالة الاطباق تطلع كله يبرق من النظافة-تقريرى عن غسالة الاطباق ومنتجاتها

أستعملى دول واضمن لك باذن الله غسالة الاطباق تطلع كله يبرق من النظافة-تقريرى عن غسالة لاطباق ~جوله على منتجات التنظيف لغسالة الاطباق 
تقريرى عن غسالة لاطباق ومنتجاتها
dishwasher

- حاجاتى اللى بأستخدمها والنتيجه رووووعه
هما دول الثلاث منتجات اللى بستخدمهم
دائما فنش البودر بالليمون  والخل والملمع بالليمون

اولا ملحوظه عقدة ناس كتير واخرت ناس كتير عن شراء الغساله 
وخلتهم ندموا انهم ما جابوهاش من زمان
 انا جيبه الغساله ليه 
علشان ما العبش فى الميه
اروح اشطف الحاجه كلها
طب من باب اولى ما اغسلهم
الحل :انا بجيب فوطة المطبخ او مناديل الورق
وافتح كيس بلاستيك تحت ايديى 
وانزل فيه بالمنديل بقاية الاكل
ليه كيس وما ارميش فى باسكت القمامه على طول
لانه اولا بعيد عن الغساله
وحتى لو قريب ممكن وانا مستعجله حاجه تقع منى على الارض
فالافضل كيس وتضعى بداخله الطبق وتنزلى الاكل
اكواب الشاى بس اغسلى التفل

-ده مكان المسحوق او الاقراص والزيت

زى ما السهم مشير
بيجى مع الغسالة معيار للمسحوق
زى معلقه لبن الاطفال
بس انا بدل كل ما اطلعه
قست على غطا علبة الفنش
وبأضع بها المسحوق كأنها معيار
والالتزام مهم جدا بمعيار المسحوق والملح
ولازم تظبطى الكمية عشان لو المسحوق قليل المواعين مش هتنضف ولو المسحوق كتير هيترسب على المواعين تطلع مجيرة
والملمع(الزيت)
 ليه درج مخصوص بتمليه وتقفليه وبجواره لمبه بتسود لما يكون مليان
 ولما  الغساله تحتاج تانى ملمع
النور بتاع الملمع بجواره  بيبيض .. ممكن كل شهرين ثلاتة تديها ملمع

وبضع غطا خل 
 ملع فنش shinier
بيلمع المواعين حلو وبيساعد فى تنشيفها
رووعه ما فيش تجيير معاه ابدا للاكواب والاطباق
فينيش رائع  
المكعبات منصحكوش بيه ومكلف وغالى 
البودره هذا  يغني عنه وعملى
ممكن تستخدمى بيوكلينا اوفر ونفس النظافه
بس مش متوفر عندى
وفى الابيض 
بس انا بحب الاصفر اللى بالليمون
واللى بجوارة فى الصورة
 all in 1 fizzing action finish powerball
اقراص التنظيف عادى وبالليمون الكل فى واحد
بيلمع وينظف ويدى رائحه منعشه
القرص فيه كل حاجه و محطيتش لا ملح ولا ملمع معاه
بس ما جربتوش لسه النوع الجديد ده
جربت القديم ومش عجبنى
   الخل تحفه وبيطول عمر الغساله
وما فيش ريحة هتظهر للغسالة
ولست فى حاجه الى دورة خل 
لانى دايما مع كل غسله اضع غطاء خل
هنتعرف على المنتجات الاخرى وطريقة وضعها فى غسالة الاطباق

-طريقة وضع الملح فى الغساله
وطريقة وضع الملمع فى غسالة الاطباق
-وطريقة وضع كلينر الغساله ذات نفسها
-وطريقة وضع قرص الرائحه المنعشه لمده 6اسابيع
كله فى هذا الفيديو

مكان وضع الملح بيكون داخل الغساله
بتلفى الغطا 
وتضعى القمع اللى بيجى مع الغساله زى  الفيديو السابق
ثم تضعى الملح  وتشيلى القمع وتغلقي الغطاء

-قرص الرائحه المنعشه
انواع كتيره من الروايح
فايدته الناس اللى غسالتهم بتطلع ريحه
ده بيضيع الريحه ديه 
وبتحطيه لمده 6 اسابيع
بيتعلق فى الرف الاعلى
اقراص التنظيف ومكان وضعها فى غسالة الاطباق

هى بتشرح كيف ترصي الحاجات صح داخل الغساله
حتى تنضف وتستغلى كل جزء
ولازم تلفى المروحه بأيدك قبل ما تشغلي
حتى تتأكدى انها لاتخبط فى حاجه
فيديو رائع 
- طريقة وضع كلينر الغساله بها
ينظف الغساله ويرجعها زى الجديده وبيضيع اى ريحه ايضا
يوصي بأستخدامه مرة فى الشهر


بتستخدميه زى الفيديو 
بتشيلى اللصقه من الغطا وتقلبيه 
وتضعيه فى الرف السفلي


ملحوظة:
لا تضعى  فيها المنيوم  لانها هتبوظه مع الوقت وهيبقى لونه اسود وكده مش صحى للاكل ان لون الالمنيوم يسود
-فلتر الغساله (المصفاه) لازم يتفك و يتنضف تحت الماء الجارى كل غسلة
 علشان تتخلصي من اى بقايا ترابية اوحبيبية تيجى على الاطباق والاكواب
-وبخلة الاسنان او عصا الشوى الخشب سلكى اخرام المروحه كل فتره

الموضوع خاص بالمدونة
مع أفضل واجمل تحياتى لكم أحبتى
للبحث:


ديكور 2016غرفة نوم رووووووووعه من ايكيا

القسم
ديكور 2016غرفة نوم رووووووووعه من ايكيا
الاماكن الفاضيه عندك والاركان
فى غرفة النوم:
ممكن تمليها بالزرع الكبير والنخل وكرسي مريح
وسله خوص او خشب بها بطانيه صغيره
واضائه بجوار الكرسي مريحه
تصويرى




أملى الاماكن الفاضيه عندك والاركان بالزرع والترابيزات الصغيره

القسم
أملى الاماكن الفاضيه عندك والاركان بالزرع والترابيزات الصغيره
الاماكن الفاضيه عندك والاركان
فى الليفنج:
ترابيزه صغيره وفوقها اباجورة وخلفها ايضا شجرة كبيره
وبجوارها ثلاث شمعات واحده كبيرة واثنين أصغر
والمنظرقمه فى التناسق والشياكه
غرفة تصويرى ايكيا
#ايكيا
#Ikea
#ikea_egypt




 

طريقة تنظيف السيراميك وتلميعه وتبيض الفواصل من الاسواد


اولا :لبياض فواصل السيراميك

الطريقة الاولى:
2-فلاش وخاصة الامريكى الاصلي
 ويكون السيراميك جاف تماما
رشي على كل الحائط والارضيات
وادعكى بفرشاه خشنه
بيشيل حتى بقع الصدأ


الطريقة الثانيه:
2- منقووووله وناجحه 
 هنجيب بحوالي 2 جنيه بس او زي ما تحبي أسمنت أبيض
 ركزي كويس أسمنت أبيض مش جبس ليه  عشان الجبس بيتفك بسهولة ويتكسر
 اما الاسمنت الابيض هيقعد أطول فترة 

 فواصل السيراميك الغامقه او المكسوره (الشقوق)
ولو فى جزء مكسور من الحوض
تنفع ولو فى اى تسريب.
الطريقة:

هنجيب أي علبة عندنا نحط شوية اسمنت
ونحط حبة مية مش كتير ونعمل  عجينة

وهنجيب اي قماشة قديمة عندنا نبلها ميه ونعصرها
وبعد ما نخلص والاسمنت لسه طري كده ونمسح الزيادات 
عشان ما تنشفش ويكون شكلها مش تمام 

وروحي نامي وارتاحي بقه يا شابة احنا عملنا اللي علينا 

هنقوم الصبح تحسي ان حوض مطبخك جديد خصوصا
 لو كنتي دعكتيه دعكة بالسبيداج قبل ما ياخد وش التجديد ده 

وكذلك هنروح علي سيراميك الحمام ونعمله هو كمان 
ثانيا :لتلميع الحوض الاستلس:
هاتى  سبيداج الكيلو بنص جنيه تقريبا
وادعكى بيه الاستانلس هيرجع جديد .

-ولو عايزه رغوه لتنظيف الحوض ولمعانه فى نفس الوقت 
يبقي  تخلطيه مع اى مسحوق عادى 
فى عبوه 
مثلا كوب سبيداج 
مع كوب مسحوق عادى

هتلاقيه عند الموان(بائع ادوات الدهان)

هترشي الحوض ماء وضعى الخليط وبالاسفنجه أغسليه

ثالثا: لمعة عيون البوتاجاز

ما فيش اسهل من ملح الليمون ورخيص
فى الفيديو الطريقه:

نصيحه اليوم :
ما تتنصحيش وتروحى تقولى لجوزك انك اشتغلتى بليه 
وعملتى المطبخ بالاسمنت
لما يسألك على النظافه قوليلوا ده سر
وخليكى فى نظره مزه مش بليه

تصويرى فى هوم سنتر مع بعض الافكار

القسم






اطقم السراير




 اكسسورات الحمام

 تحفه ممكن تضعى اسفلها ترابيزة مستطيله وتصبح كونسول فى مدخل البيت

 الصناديق الكحلى مع الاغطيه البيج روووعه
ممكن تخزنى بها أشيائك فى الدولاب او تستخدميها كديكور فى المكتبه