توضيب وتأسيس شقة 2012-2013 وازاى تجمعى افكار لديكور المنزل فيديو

توضيب وتأسيس شقة 2012-2013 توضيب وتأسيس شقة 2012-2013 وازاى تجمعى افكار لديكور المنزل modern living room designs 
اولا :بتشوفى الشقه ان كنت عايزة تشيلى حائط او تضعى حائط بتهدى او تبنى قبل كل شئ
ثم بتحددى:-
- اماكن الاضائه فى السقف مثل النجف
- او لو هتعملى اسبوتات وبيت نور
-واماكن الاباليك على الحائط
-واماكن ازرار التكيف وبتكون على نفس الحائط اللى هتحطى علية التكييف غالبا
-واماكن الفيش (البرايز) اللى بتكون غالبا فى الاسفل فى كل الغرف ماعدا المطبخ والحمام فى الاعلى
فى المطبخ:

-اعملى حساب فيشة للغسالة الاوتوماتيك وفيشة لغسالة الاطباق
-وفيشة للميكروويف والفرن الكهربى اعلى الرخامة
-وفيشة للخلاط  والكبة وهكذا ودية بتكون أعلى الرخامة اللى هتشتغلى عليها فى المطبخ
-وفيشة للشفاط ويه بتكون عاليه جنب الشباك اللى هيتركب علية الشفاط
-وفيشة للثلاجة
-وفيشة للبوتاجاز
-فيشة وازرار للاسبوتات  اللى من داخل خشب المطبخ ان وجد

وفى الحمام :

-فيشة السخان
-زرار الاضائة
-اماكن الاضائة ان كنتى هتركبى اسبوتات
-مكان للاضائة فوق مراية الحمام والزرار بتعها



فى غرفة النوم:
-ازرار الاضائه للنجفة وان كنتى هتعملى اسبوتات فى السقف
-مكان للاباليك اللى بجوار السرير ان كنتى هتعمليهم على الحائط وازرار الاضائة الخاصة بيهم على جانبى السرير.
-اوبرايز للاباجورات ان كنتى هتضعيهم على الكمود .
-الاضائة فوق التسريحه
-زرار التكييف
-مخرج للدى اس ال والتليفون ووصلة الدش

غرفة الاطفال:
-ازرار الاضائة
-زرار التكييف
-مخرج للاضائة فوق المكتب ومكان الزرار لها

امام باب الشقه:
من داخل الشقه زرار الانتر كم ان وجد, وازرارالاضائة
من خارج باب الشقة
مكان للاضائة
وزرار الجرس



فى غرفة المعيشة:
-مكان لأزرار الاضائه (الاباليك والنجف وهكذا ...)
-مكان البرايز
مكان للدى اس ال ووصلة الدش والتليفون
-مكان زرار التكييف


ثانيا :الكهربائى بيجى يطلع مخارج الاسلاك وبالتالى بيكسر فى الحائط فقولي على كل المخارج اللى عايزاها وما تخفيش من تبويظ شكل الحائط  ان كانت ممحرة من التكسير لان بتاع المحارة كدة كدة بيجى وبيرجع الحائط كما كان ممحر.
بياخد من 100 الى 1500 جنية وبياخد الفلوس على ثلاث مراحل اولا التأسيس(ان كان هياخد 1000 بياخد مثلا 500 و300 تركيب البرايز والازرار وازار التكييف وفى الفينش اللى هو تركيب الابليك والنجف والاسبوتات بياخد 200 وممكن يعمل شغله كله مرحلتين فقط بدل ثلاثة)
ثالثا:-بيجى الممحر يمحر اماكن مخارج الاسلاك واماكن الهدم والبناء الاخرى ان كنتى هديتى او بنيتى حاجة ... وبياخد تقريبا ان كتر او قل الشغل سعره واحد 200
علشان كدة لوحابة تهدى اوتبنى حائط اعملى كده قبل الممحر ما يجى علشان يكون شغل واحد .

رابعا:- المصيص وشغل الجبس والكرانيش
-سعر المتر للكرانيش من غير مونة تقريبا من 15 الى 20  جنية وانت وشاطرتك فى الفصال
-وسعر متر المصيص من 5 الى 8 جنية
طن الجبس من 550 الى 590 جنية ..وهاتى جبس سيناء بس خلى بالك اوعى يديكى جبس كان متخزن فى الشارع ونزلت علية امطار.
وده بيعمل ليكى:-
1-المصيص فى السقف وصبة الاسبوتات وبيوت النور ان كنتى هتعمليهم
2-والكرانيش وبيت للستائر (فى ناس كتير بتفتكر اللى بيعمل بيت للستائر هو النجار لأ ده بتاع المصيص وبيحسبك علية بالمتر )
3-وبعد ما بيعمل بيت الستائر بيلف علية بالكرانيش
هو بيستنى تركبي سراميك المطبخ والحمام علشان يعمل ليهم الكرانيش فوق السراميك
من الضرورى تشوفى شغل بتاع المصيص فى شقق وضبها قبل ما تتفقى معه

خامسا السباك:
بتتحاسبي معاه بالمصنعية وبيبدأ من 900 الى 1500 بس غالبا الشقه اللى فيها حمام واحد ومطبخ مهما كتر او قل الشغل  بيكون 900 بياخد 700 فى التأسيس و200 عند الانتهاء

سادسا النقاش او المبلط :
النقاش: ان كنتى هتدهنى الشقه الاول قبل السراميك وتركبى السراميك قبل الوش الاخير للدهان علشان تحافظى على السراميك من الدهان وغيرة.وهذا افضل


او بتاع السراميك(المبلط) الاول قبل الدهان وتدهنى بعديه بس غطى السراميك علشان ما يبوظش .

سابعا:
بيجى الكهربائى والسباك بيخلصوا الشغل بتعهم من تركيب النجف وكل شئ خاص بالكهربه  والسباك تركيب الحمام وكل شغل السباكة فى المطبخ والحمام.

طريقة تنسيق اثاث المنزل:-
بتشوفى ديكور كتير الى ان تكونى فكرة معينه تكون عجباكى جدا وبتجمعى الصور على جهازك او على البوم  صور.




الصور هذه بتديكى فكرة ازاى تجمعى افكار لتكوين غرفة :
الحمام Bathroom:











غرفة النومBedroom:

2-

السجادة

g





الليفنج او غرفة المعيشةLivingroom:-

ممكن تجمعى افكار كثيره من مواقع كثيرة مثل هذا الموقع
http://www.jcpenney.com/dotcom/index.jsp

المصدر:جودى الاروبة
عند نقل الموضوع يذكر اسم المصدر والا لن اسامح