طريقة عمل السويت زى شرائح فيت وبالصور

طريقة عمل السويت زى شرائح فيت وبالصور-طريقة عمل  الحلاوة فى البيت-تسيح السويت
ديه طريقة جميلة للى بيحبوا يشتغلوا بالسويت وما بيعرفوش يعملوا الحلاوة فى البيت  او بشرائح الشمع لان الفكرة قريبه من عمل شرائح الشمع انا شوفتها وعجبتنى وقلت خلى الكل يستفيد ويوفر ثمن شرائح الشمع.♥

♥اولا:- انا عملت السويت العادى خالص♥

2 كوب سكر
4 كوب مياه
نص لمونة كبيرة

وسوتها على النار عادى وخلتها سايلة شوية وحفظتها فى الثلاجة ساعتها لانى مكنش ليا مزاج

وبعدين بقة عملتها انهارد كنت شملولة ومبسوطة


هنا لما طلعتها من التلاجة وسيحتها بس تقتلت شوية ولو كان دهبى بقة بنى فاتح مش مهم اللى واخد عقلى بقة
بس شوفو سايحة ازاى وده المطلوب عشان تبقى سهلة فى الفرد


وهنا فردتها على ايدى بكل سهوله♥

ودى قماشة قطن قصتها من فلنة جوزى حبيبى شرودتله الفلنه خلتها شوارع  ♥




وهنا بقة فردتها غلى ايدى اظن بعمل بالتفصيل الممل ♥



شايفين النضافة ولا تلزيق وتسيح منك ولا تتخنقى وتخلصي بسرعة كمان ♥


♥واحلى حاجة بقة مش هتتعبى فى تسيحها ع النار وبعد ما بخلص بدهن زيت السعد ومش باخد دش على طول عشان مسودش  اقصد يعنى مغمقش وبعدين بقة بعد الدش المتين بدهن زيت جونسزن باللافندر تحفة♥

♥ولو المزاج رايق وعالى انقعى الترمس وبعدين اغليه وخدي منه كوباية ولو عندك زهرة اللافندر حطيها فى مياه مغليه واغليها فيها وصفيها وخدى منها كوباية بتخلى النعومة وريحة جميلة بجد واااااااااااااااااو على جمالها فى السويت وانتى بتعملى ♥

وفى الاخر يا حبايبى انا مش طالبه منكم غير الدعاء ليا بالذرية الصالحة وربنا يهديلى زوجى حبيبى
ويا رب اكون افدتكم
منقول للافادة