صبغ الشعر خصل حمراء تحفه بأيد خبيرة تجميل مصريه بالتفاصيل والصور وسر ثبات اللون

 صبغ الشعر خصل حمراء تحفه بأيد خبيرة تجميل مصريه بالتفاصيل والصور

يليق على السمر 

ويليق على البيض

ممكن تعملى خصل بأكثر من لون 

بس اهم حاجه منوصلش لكده

عن عمل خصلات للشعر باللون الاحمر

اوعى

حد يقولك هاتي درجه صبغه معينه  وهو ما شاف لون شعرك

 الصبغه دي مخصصه للشعر الغامق

يعني لو شعرك اسود هيجي برضه معاه اللون

وكمان في شرح بالصور

هتحتاجى:-

صبغه ايجو كونتراست ego contrast 

-اكسجين 20

-حد يوزع ليكي زي ما هتشوفي فالصور اختك صديقتك مامتك 

-ورق فويل متقطع وجاهز

الصبغه عاوزه شعر نضيف مش مدهون

خطوات صبغ خصل حمراء فى الشعر الاسود

1-هعمل سشوار للشعر علي خفيف علشان يسهل عليا سحب الخصلات

بالشكل ده

ده شكل الصبغه بعد الدمج مع الاكسجين بالشكل ده 

هبدء اقسم الشعر 

واخد الخصلات بالشكل ده بالمشط همشي زجزاج اخد خصل واسيب خصل 

وبراحتك تاخدي خصلات رفيعه او عريضه 

ودي الطريقه

ورق الفويل هيكون متقطع وجاهز

هاخد الخصلات اللي هتتنفذ عليها الصبغه 

وهنفذ بالطريقه دي

بعد ما اوزع الصبغه هقفل ورق الفويل بالطريقه دي

بالضغط بـ المشط من الجانبين واقفله 

وكده قفلتها خلاص

والشعر كله بالطريقه دي

وكده انا خلصت

الوقت

سيبي الشعر من نص ساعه الى ساعه الا ربع حسب ماللون هيجي معاكي

واغسليه 

 النتيجه

ملاحظات مهمه من خبيرة التجميل ساسو:

بالنسبه لخطوه ظبط اللون

لو هتصبغي فى البيت لو اللون اتظبط معاكي يبقي خير

مش مظبوط يبقي تصبري

لا تتسرعى وتروحي تجيبي لون تاني وتعملي صبغه في وقتها لا كده حرام عليكي شعرك

اصبري عليه من اسبوع الى 10 ايام 

وحاولي متغسليش شعرك المده دي غير مره

وبعدين كرري التجربه بالصبغه

لو مرهق اوي اوي يبقي اصبري شهر ولا شهرين

علشان الشعرايه هتكون في اضعف حالتها ومش مستحمله
نلخص تانى:-
خلي تاني غسله بعد الصبغه بعد اسبوع عالاقل
والافضل تساوي اطراف شعرك
علشان بتتقصف بعد الصبغه
وكل التقصيفات اللي في الاخر دي ممكن توصل لحد فوق
يبقي الافضل ساويه
وفي حاجه مهمه وهتفيدك
احنا داخلين علي صيف لو بتغسلي شعرك كتير
خلي غسيل الشعر مره شامبو
ومره حمام كريم او بلسم
متقلقيش مش هيكون وحش زي ما انتي متخيله
وخصوصا لو الفترات الغسيل متقرابه كل يوم او يومين
الا لو كنتي مستخدمي زيوت او كريمات كتير يبقي اغسلي بشامبو
علشان ينضف كويس
غير كده يبقي حرام ريحي شعرك مره شامبو ومره بلسم او حمام كريم بدون شامبو

سرررررررررررر صغنون لثبات اللون الاحمر فى الشعر

لو هتصبغي شعرك فالبيت

بعد خطوه الغسيل وحمام الكريم

هاتي شويه خل او خل تفاح وخفيفهم بسيط بالماء وشبعي بيهم الشعر كله

واصبري 5 دقايق واشطفي بالميه وخلاص.

الخطوه دي بجد شوفي هتثبت لون الصبغه وتلمعه وتحليه.

بالنسبه للعنايه بعد الصبغه

ودي حاجه مهمه جدا علشان متندميش انك صبغتي شعرك

* بعد ما تعملي الصبغه حاولي تخلي تاني غسله لشعرك بعد اسبوع عالاقل

علشان الشعر يكون ارتاح خالص

** استخدمي المستحضرات الخاصه بالشعر المصبوغ

وحقولك اللى بفضلهم ايه ونتايجهم ممتااااااااااااااااااااازه

1-شامبو تريسمى وبلسم تريسمي

حمام الكريم بيبوينت

بالنسبه لحمام الكريم

ولو هتستخدمي بلسم مش لازم حمام كريم والعكس

وممكن تجيبي الاتنين وتبدلي بينهم

بس حمام الكريم ده تحفه وضروري لاي واحده صبغه شعرها

بيبوينت للشعر المصبوغ

دي صورته

السيروم Gocce di Bellezza

النوع هذا حلو اوي اوي بجد
انا جيبته من كارفور كان ب 50 تقريبا
هو ايطالي وفي منه انواع
ده النوع الخاص بالشعر المصبوغ

انواعه

اول نوع الاصفر

للشعر الجاف بـ الالوفيرا وبذور الكتان

يرطب الشعر الجاف مما يجعله لين وحريري الملمس

النوع التاني البينك

حمايه الشعر الملون

مع الصبار وبذور الكتان يعتبر مثالي حمايه اللون

ويجعل اللون يعيش اكتر

ثالت نوع الابيض

اعاده هيكله الشعر التالف مع الصبار

وبذر الكتان يعتبر مثالي لانعاش واصلاح الشعر الهش بلا حياه

النوع الرابع الاخضر

استقامه الشعر المجعد 

مع بذور الكتان والالوفيرا يساعد الشعر علي الاسترخاء

والياف الشعر والسيطره علي الشعر المجعد 

ويجعل الشعر المتمرد سهل اثناء استخدام الفرشاه ابتسامة