نصائح حول كيفية تنظيم المطبخ وخزائنه لتحقيق أقصى كفاءة
هذه طريقة مختلفه جدا عن اى كلام هتلاقي فى اى موقع سواء عربي او جنبي فى تنظيم المطبخ مجمعه من مواقع عربيه واجنبيه لتلائمنا فى الاخر
كوكتيل منكم ومن افكار غربيه للوصول لأفضل فكرة وافضل استفاده
هنشتغل من مبدأ التغيير له دور غير بسيط ع النفسيه
اولا- لو مطبخك صغير حاولى ترتبي كل المتشابهين مع بعض
اطباق مع بعض
بولات مع بعض
علب بلاستيك تخزين مع بعض
توابل
مواد خزين(زيت وسكر..الخ) مع بعض
وهـــــــــــــــــــــــــــــــــــــــكذا
- نسقي مطبخك ونظميه للوظائف التى تتم فيه فقط
ممكن يكون مطبخك صغير، وبه الكثير من الاشياء ولكن منظم
بلاش تمليه حاجات ملهاش لزمه او تحتفظى بعلب او حاجات مكسرة على امل اصلاحها لما تفضى
- شوفي اللون المحبب لك واللي يمشي مع المطبخ حددي ثلاث الوان بالكثير..
-لا تضعى الحاجات الصغيره مع الكبيره هو ده اللى بيسبب الكركبه
لما تحبي تجيبي حاجه هتوقعى الحاجات الصغيرة وهتضرى تركينيها فى اى مكان
جمعى الحاجات الصغيرة المتشابه فى علبه بلاستيك وضعيها فى رف
مثل
-اكياس الفانيليا والخميرة والبيكنج بودر فى علبة
-واغطية العلب البلاستيك مع بعض فى علبه
-علب التوابل مع بعض فى منظم وهكذا
-خلي ثلاث اشياء فقط على الرخامه او اربعه بالكثير
1- غلاي الماء وماكينه القهوه او ما شابه
2-علبه مليئه بالملاعق الخشب وملاعق الغرف جنب البوتاجاز.
3-صينيه بها الزيت والخل وكام علبه توابل كثيرة الاستخدام طوال اليوم
4- اناء به زرع بلاستيك او طبيعى بيغير نفسيتك جدا وشكل مطبخك
بــــــــــــــــــــــــــــــــــــــــس
باقى ادوات فى ادراج او ارفف
-البهارات لازم تكون مخفيه فى دولاب او على رف
- الدروج المكركبه كتير قللي منها
-الحاجات اللى بتستخدميها على فترات بعيده خليها فى الارفف العلويه او الاماكن البعيدة عن منطقه تحضير الطعام
يعنى حاجات الضيوف فى رف بعيد عن البوتاجاز علشان هيتركنوا وهيتسخوا
-اختارى ادوات التنظيم التي تساعدك فى خلق مساحة واضحة وتحتفظ بالمواد الغذائية
-حركات البلاستيكات من الارفف والسلال ومنظمات الملاعق تعطي ترتيب ونظافه وسرعه الوصول للشئ
ممكن يكون رف حديدى تعمليه
-لكتب الطبخ وفوقيه سله ضعى فيها الموبيل نوته وقلم وفى الاسفل كتب الطبخ، (فكرة غربيه)
او
-رف يتعلق على الحائط كدولاب كاسات واكواب التقديم ان لم يكن لديك رفوف كافيه(فكرة عربيه)
الادراج:-
1-درج الملاعق الملاعق
الملاعق اللى بستخدمها ع المدي البعيد او فى العزومات الكبيرة جمعيهم في علبه بلاستيك بغطاء بعد غسلهم وتجفيفهم وشيليهم فى مكان بعيد عن منطقة شغلك
والباقي علي قد استخدامكم اليومى رصيه في درج
ده شكل بعض الادراج كفكرة عربيه
لو ماعندكيش درج للملاعق اليوميه
ممكن تجمعى الملاعق التى تستخدم يوميا فى اناء هكذا وتضعيه على صينيه او سله التوابل والزيت والخل اللى بجوار البوتاجاز
فكرة عربيه
أفضل لو جبتي صفايه استلس ومش بلاستيك وترصي فيها الملاعق على جنب
والصوانى والاطباق افضل من الصوره فى الاسفل
والحوض يبقي عليه بس الصفايه الاستلس بدل من الصفايه اللى بتتشعلق بيكون معاها صفايه كوبايات ومجات وصفايه ملاعق
هاتيها كلها استلس زى ديه
-ولو ما عندكيش غساله اطباق
خلى طبق بلاستيك كبير تحت الحوض لية لتجميع الاطباق المتسخة
لحين ما تفضي وتقومي بغسلها طب ليه اولا الحوض هايفضل طول اليوم شكله نضيف مش مكركب وثانيا هايكون سهل الاستخدام لو عاوزه تغسلي خضار اوفاكهه
في اخر اليوم كده زي الشطوره هاتروحي مسخنه دورق ميه ونقطه فيري وصباهم فوقهم في الطبق ده
واغسل وشطف ياجميل هتلاقيهم خلصوا بسرعه
وكده وفرنا وقت ومجهود وميه كمان
وحافظنا علي شكل الحوض وحافظنا كمان علي ايدينا الناعمه من الميه كل دقيقه خصوصا في الشتاء
لان صفاية الملاعق البلاستيك بتلم اوساخ وبتعمل عفونه مهما نظفتيها
2-درج البلاستيكات واغطيتها
الافضل تجمعى الاغطيه فى علبه خاصه بهم فى الدرج هتجمعهم افضل
3 -درج اكياس التفريز وورق الفويل واكياس التغليف ...الخ
4- درج معدات الكيك الصغيرة
-لو ما عندكيش ادراج كفايه ليهم ضعيهم فى برطمانات
فكرة عربيه من اخت تستخدم اوراق الكب كيك عجبتني قوى
حبيبتي خلي عندك الورق الكب كيك الميني ده علي طول في البيت وهو مش غااااالي ليه؟
هايخلي اي حاجه تقدميها لضيوفك يبقي شكلها احلي واشيك وكمان بيسهل عليكي كتير في
افكار بسيطه جدا هاقولك بعضها
مره كان باقي عندي قطعتين بسبوسه وشويه فتافيت في الصينيه زودت عليهم شويه جوز
هند ومعلقتين قشطه وبليت ايدي سمنه وكورت صغير ودحرجي في جوز هند او فارمسيل او
خليط منهم او مكسرات مطحونه وحطي في الورق ده وكذلك بواقي الكنافه
ودي البسبوسه
وطبعا كلنا عارفين بسكوت الشاي المطحون او بواقي الكيك ومعاه شويه جوز هند ومعلقه
كاكاو وقشطه او حتي اي عصير عندك واخلطيهم كويس وكوري ودحرجي وقدمي في الورق
من الاخر ابسط شئ هاتقدمي حاجه فخمه سهله بمساعده الورق ده
ده غير انك ممكن تشكلي بقي من كل فيلم اغنيه هههه ولمي البواقي عندك وتقدميها بشكل
5- درج الاطباق
6-درج اللى ملاوش لازمه للطبخ
اقلام كتابه اسماء العلب مقصات لاصق ماسكات لاكياس مقص غير مقص المطبخ
احنا عملنا كام درج لغايه دلوقتى علشان وانتى بتعملي مطبخك تبقي عارفه هتحتاجى كام درج و هيكون متقسم ازاى
هنروح مع بعض للارفف
اولا الارفف العلويه
- رف ممكن تجمعى فيه حاجات العزومات او حفلات الاطفال
- ان عندك اطفال كثيرة واددوات اكل وشرب كثيرهه لهم جمعيهم فى رف أكل اطفالى
رف البولات وممكن فى درج
-رف الاكواب والكاسات الزجاج
اكواب القهوه او اى اكواب بتتركن عندك فترات على ما تستخدميها
جمعيها فى بوكس بلاستيك بغطاء علشان ما تتوسخش من الركنه وكل شويه تغسليها
- رف ممكن للتوابل والخزين والمكرونات حسب مساحته
-وافضل شئ عمل دولاب للخزين بعيد عن ارفف المطبخ
هنتكلم عنه تحت
-ثانيا الارفف السفليه
للمعدات الثقيله
مثل الحلل والطاسات والصوانى وبرادات الشاى والترمس والمعدات الكهربائيه
فكرة مصرية رائعه للاغطيه منظم بلاستيك تقريبا ب7 ونصف ج
اجنبي
رف الاجهزة الكهربائيه
خلى الأجهزة اللي محتاجها في الضلفة اللي تحت أيدك علشان تستعمليها بسهولة
صورة عربيه
صورة عربيه
واللى على فترت بعيده
صورة غربيه
تنظيم الارفف العلويه الخاصه بالتوابل
والخزين
والخزين
فى البرطمانت بكل احجامها
ضعى
-التوابل(فلفل-بهارات-كمون-كسبرة...الخ)
-التوابل(فلفل-بهارات-كمون-كسبرة...الخ)
-والمشروبات( الكركديه -الكاكاو-القهوة-النسكافيه...الخ)
-والمكسرات (اللوز -الجوز-الكاجو-البندق...الخ)
لان فى الغالب كميتهم بتكون بسيطه
أغسليها وجففيها بفوطه
أغسليها وجففيها بفوطه
. وتكتبي عليهم ليبل
السكر والدقيق ضعيهم فى برطمانات او علب كبيرة
كل البقوليات افضل شئ لتخزينهم علب الثلاجه الكبيرة البلاستك عن تجربه كل من استخدم البرطمانت والعلب وجدوا ان افضل شئ علب الثلاجه من حيث توفير المساحه وهى عمليه اكثر
الأرز
المكرونة
الحمص
الترمس
العدس
الفاصوليا
اللوبيا
الكسكس
الشوفان
فول التدميس
فول مدشوش للطعميه
الملوخية الناشفه
الفريك
قمح البليله
هنفضى الاكياس كلها مش هنسيب اى كيس
فول مدشوش للطعميه
الملوخية الناشفه
الفريك
قمح البليله
هنفضى الاكياس كلها مش هنسيب اى كيس
صورة من مطبخ عربي
أشترى علب تخزين كتير وشيليها
كتابة ليبل على كل العلب بورق قص ولزق
خلى عندك مجموعه كبيرة من اطباق وعلب التخزين
البرطمانات هنا والعلب الصغيرة مش عمليه زى العلب المربعه الكبيرة
دولاب الخزين أفضل اختراع حبيته
خزنى فى على رفوف سلك متوفرة دلوقتى كتير ومنها الاستلس
العسل الابيض
الصلصات
الصويا صوص
علب الفول المعلب
الخ
فى ارفف باب دولاب الخزين
الزيوت خليهم مع بعض زى الصورة
ووده شكل الضلفه المصونه
علب التوابل الجاهزه ممكن تنظمها هكذا
شايفين طبعا منظم البصل والثوم والبطاطس ممكن تستخدميه فى تنظيم التوابل و الاطباق
فى ناس بتحطها على رخامه المطبخ وبعد فتره بتلاقيها زى جازبه الكركبه تكدس فوقيها وحواليها حاجات كتير
الاسناكس زى اللب والفشار والخ جمعيهم فى علبه واحده
وكمان اكياس النسكافيه الصغيره واللبن البودره والخ فى علبه تانيه لوحدهم
كرسي دولاب الخزين مهم جداااااااااااااااااااااااااااا ممكن تجيبي ده او اللى شبه السلم حسب طولك
ما فيش ادراج كفايه او ارفف كفايه او عايزه الحاجات اللى بتستعمليها كتير تحت ايدك
تعليق حامل ينظم الادوات اللي مسوية زحمة وتستخدميها باستمرار
ممكن عمل علاقه كما بالصور
الصوره من مطبخ عربي
كان في شماعه ملابس عاديه في غرفه
كان في شماعه ملابس عاديه في غرفه
اخدتها وشيلت منها الكور البلاستيك اللي بتكون ع الطرف دي عشان تكون
رفيعه ويدخل فيها المعالق والمغارف وتنيت منها جزء بالبنسه المهم في الاخر علقتها في
مطبخي العزيز بالشكل ده
الفكرة المرة دية من مطابخ اجنبيه
لو عندك حائط فاضي والارفف عندك مليانه ومش شايله باقى حاجاتك ومطبخك صغير
ممكن تعملى ارفف الحائط من فوق ومش هضيقي مسسساحه المطبخ
ممكن عمل اكثر من دور
ممكن تضيفي زرع
رف للحلل اللى ملهاش مكان
اغطيه الحلل
مقشات ممسحات
الحاجات اللى بيد كبيره زى المقشات والمسحات والمنفضه والخ
اعملى فى اى حائط شماعه او فى منظم ليهم دقى ليهم هوب هوب مسمارين فى الحيطة او خلف دولاب الخزين
وتتخلصى من الكركبه وشكلهم هيبقي اشيك
او تحطى الشماعه ديه خلف باب المطبخ من غير مسامير
هى بحوالى 8ونصف ج
فوق الحوض
تحت الحوض
سلات بلاستيك ممكن تضعىها تحت الحوض وفيها
فوط المطبخ
والجاروف واللمامه
المناديل
اسفنجات تنظيف الاطباق
جوانتى
مساحيق النظافه
جوانتى
مساحيق النظافه
صورة من مطبخ عربي منظم
صور من مواقع اجنبيه
الجديد فى تنظيم تحت الحوض هتلاقيه هـــــــــــــنا فى مدونتى الاجنبيه الخاصة بالتنظيم
وهو الاستعانه بمنظم شفاف يشبه هذا بأدراج
عايزة افكار اكتر هنـــــــــــــــــا موضوع خاص لتحت الحوض
حبيبتى اهم شئ انك تكونى منظمة يعنى كل مرة تدخلى فيها المطبخ تعملى حاجة اهم شئ
انك ترجعى كل شئ مكانه المخصص له اول باول ولا تؤجلى ترتيبك وبعدين انتى اعتبرى
تنظيمك لمطبخك تسلية تعمليها واكيد هتحبيها كتير
حصري لجودى الاروبة
رائع كـل حاجة فــى ترتيــب وتنظيم المطبـخ .. بالمقارنه العربيه والاجنبيه
رائع كـل حاجة فــى ترتيــب وتنظيم المطبـخ .. بالمقارنه العربيه والاجنبيه
Kitchen Sink Organizing Tips
Kitchen Sink Organizing Tips
Kitchen Sink Organizing Tips
تنظيم دواليب الأغذية
تنظيم مطبخى