تكات البنات وتكاتى من جروب كبير قولت اجمعها لاحبائى لتعم الفائدة
الفراخ:
🐔قبل لما تسلقي الفراخ شويحيه مع فصين توم بتبقي الشربه حلوه اوي
🐔حضرى خلطة تحمير الفراخ (الدقيق-النشا-البقسماط-الملح-الفلفل-التوابل الخ) فى برطمان كبير وضعى به معيار يسهل الاخذ منه عند كل تحمير(تكتى والصورة من مطبخى)
🐔 حطى شويه بيكنج بودر ومعلقه نشامع البقسماط وانتى بتحضري البانيه او الفراخ الكنتاكى بتبقى مقرمشه وطعمها حلو
🐔حطى شويه عسل ابيض مع تتبيله البانيه
🐔حطى شويه لبن على خلطة البانيه او زبادى بيبقى خطير
الرز بلبن:
🍙بصي حطي ع الارز باللبن لبن بودره وكريم شانتيه بيفرق ف الطعم, بيتحطو بودر و اخر غلوه
الرز:
🍜جربي عصير ليمونه علي الرز البسمتي او الابيض بيخلي طعمه وهم
🍜الرز شوحيه شويه حلوين قبل لما تحتي المياه بيبقي مفلفل حلو اوي لو سقتيه بشربه الفراخ جربيه وهتدعيلي
🍜الارز وانتي بتسقيه بميه او شوربه ضيفي ليه معلقه زيت هيخليه بيلمع اوي
الكفته:
🍡 فصين توم مفرومين مع عجينة الكفته وتولعي فحمايه وطفيها ف العجينه قبل حتى متصبعيها
🍡حطى ع الكفته معلقة بيكنج بودر علشان تنفش واطفى الفحم قبل ما تصبعى وياريت لو تتعمل من بليل
ملحوظه الفحم الذى يباع جاهز خطر
-انا بتبل اللحمه المفروه واصبعها واحطها في الفرن وبعد متستوي اكون مولعه فحمه واحطها جو ة الصنية واحط عليها بمعلقه السمنه اللي في الصنيه واغطيها هتبقي كانها من بره
البيتزا :
🍱الزبادى ف العجينة بيفرق كتير وعلشان تشد زى برة بنحط البيتزا عشر دقايق وأول ما تستوى نخرجها ونحط الجبنة يدوب تسبح بتبقى بتشد زى برة حطى معلقتين او ربع كوباية
🍱لما تيجى تسخنى البيتزا فى الفرن لو بايته حطى معاها فنجان او طبق فيه ميه هتخليها طازة وتحفه
المكرونة الباشميل :
🎀صينية مكرونة بالبشاميل معلقتين لبن على وش صنية المكرونه بالبشاميل وترشي حبة فجيتار عليهم عالوش
🎀صينية مكرونة بالبشاميل شوية جبنه رومى مبشوره ع البشاميل وهو ع النار بيغير الطعم جدا
🎀البشاميل بعد ما تطفي عليه وهو سخن حطي جبنة موتزاريلا كتير هتسيح جواه وبعدين حطيه علي المكرونة بيخليها بتمط وتحفة وعلي الوش ابشري جبنة رومي
🎀البشامل بعمله نى بيكون خفيف بقشطة اللبن مع الدقيق مع لبن وتوضع على النار هاتعمل بشاميل من غير مانحمر الدقيق ولانضع اى سمنه صدقونى هاتعجبكو
🎀 بدل ماتحطي بيض على وش صنيه المكرونه حطي قشطه هتلاقي لون وطعم رائع
-المكرونه بالصلصه اسلقي المكرونه ربع سلقه وخليها تستوي في الصلصه ومتسبكيش الصلصه اوي هتلاقيها احمرت بزياده
صلصة:
- سنة سكر علي اي اكل بتطبيخه
-صلصه الفته حطي فيها بشره جوزه الطيب
-حطي ملعقه سكر مع اي طماطم اوصلصه في اي اكله وبردو مع تتبيلة الفراخ
-وانتي بتحمري البصله لاي خضار حطي عليها فلفل اسود وشمي احلي ريحة صلصه
-التكة الاساسيه السكر مع اللحمه مع الطماطم مع الملوخيه
الملوخية:
🍵علشان تكلى احلى ملوخية اعمليها بشوربة الفراخ وتكونى بشرة جزرة متوسطه مع الفراخ وهى بتتسلق وتصفى الشوربة وتعملى بيها الملوخيه الجزر بيحلى طعم الملوخيه جدا (تكتى )
🍵الملوخية الخضرا بعد ما تحطيها في الشوربة حطي معلقة سكر بيخليها حلوة اوي
🍵 الملوخيه وانا بخرطها بخرط معاها قرن فلفل بيديها طعم جنان وطبعا معلقه سكر صغيره وقت السوا وفي الطشه بعد ما احمر التومه والكزبره ببشر طمطمايه صغيره واسيبها تتسبك مع الطشه واحطها على الملوخيه طعمها بيبقى جميل
اللحمة:
🍣انقعى لحمة او فراخ فى ميه وخل قبل ماتسلقيهم بساعة عشان يستوا بسرعة
🍣ملعقة سكر مع كباب الحله علشان اللحمه متسودش
🍣علشان اى لحوم تستوى بسرعه تحطى نص معلقه سكر وتهدى النار عليها(نص معلقه سكر في اي اكله هتفرق معاكي كتير دي تكة شيفات)
🍣تسويه الاكل على نار هاديه اطعم بكتير
🍣لما تشوى الريش او اللحمه أمسحى على اللحمه والريش بفرشاة فيها زبدة قبل السوى بعشر دقائق(ممكن تحطى عسل نحل كمان واوووووعلى الطعم )
الكبدة:
🍞الكبده الاسكندراني مية السلطه هي اللي بتطعمها والزيت يكون كتيىر ولو حتعملي كميه يبقوا على مراحل
السمك:
🐠لما تيجى تقلى السمك لو حجمه كبير افتحيه بالسكينه فتحتين علشان ميبقاش نى من جوه
وكل ما كان فى التتبيله اكتر كل ماكان احلى
🐠 السمك البلطي جبيه كبير وقسمي نصين وعملى في فتحات فى البطن والظهر والجنب
وتبليه بملح وكمون وبابريكا وتوم بودر ولمون كتير
وقلبيه فى دقيق مع نشا
واقليه فى زيت غزير مغلى
وكلى احلى سمك دهبي ومقرمش والزيت زي الفل ..على عكس التوم الصحيح والفلفل بينزل فى الزيت ويتحرق وبيخلى السمك تقيل
🐠انقعي السمك ف شويه لبن نص ساعه وبعدين طلعيه صفيه وتبليه وقليه مفيش ظفاره نهائي وكولي اطعم سمك
الكيك:
🍔لما تعملى الكيكه ومعندكيش فانيليا حطى معلقه عسل ابيض
🍔الكيكه صيفي معلقه خل وانتي بتضربي البيض هتبقي هايشه جدا
🍔لو عندك لبن قاطع احفظيه فى الفريزر واعملى بيه بشاميل او كيك
العصاير:
معظم العصائر بحطيلها شويه فانيليا بتخليها جميله
التوابل:
🍲مش بستعمل توابل غير الفلفل واللكمون والحبيهان فى الاكل كتر التوابل بتضيع طعم الااكل
المحشي:
🍟وانتي بتسقي المحشي حطي مع الشوربه اللي هتسقي بيها شويه زيت ذره وفلفل اسمر وشطه ومعلقتين صلصه هتخلي طعم المحشي جميل وبيلمع
الطعمية:
ما تكتريش خضرة فيها علشان ما تسودش وما ضفيش اى توابل لها الا عند السوى
افرميها بالملح فقط والثوم وشوية بقدونس قليل هنا طريقة روعه مش هتبطلى تعمليها هنــــــــــا تكتى
المعجنات والمخبوزات:
-اي معجنات ضيفيلها معلقه خل هتخليها طريه وفاتحه
-وانتي بتعملي السينابون ضيفي لمكوناته كيس كريم جانتيه بودر هيخليه خطير ونكهته وهم
-الفطير المشلتت اعجنيه ولما تقطعيه كور حطيه في صواني فيها زيت وغلفيه وسبيه يرتاح لتاني يوم هيفرد معاكي بسهوله جدااا
البيتز بططيها علي دقيق سيمولينا هتبقي زي بتاعت المحلات
طريقة عمل الفطير المشلتت بسهوله:
ال2ك دقيق بيعملو حوالي 5 فطاير وسط
انخلي الدقيق ضيفي عليه معلقتين سكر كبار لكل كيلو ورشه ملح ودفي ميه وابداءي اعجني بايدك او بالعجان واعجنيه كويس اوي لحد مالعجينه تلم كلها معاكي غطيها وسبيها ترتاح نص ساعه
بعد كدا جهزي صواني وحطي فيها ورق زبده وزيت وقطعي العجينه كور لو مثلا كل فطيره 5 او 6 كور اد حجم اليوسفي كدا ورصي الكور دي في الصواني وغطي وشها بزيت بردو وبعد كدا ورق زبده وغلفي الصواني كويس ودخليها التلاجه مش اقل من 5 ساعات ترتاح او ممكن تبيتيها
طلعيها بعد كدا وسيحي زبده بلدي او صفرا اللي يعجبك وابداي افردي الكور واحده فوق واحده وبينهم ترشي زبده خلصتي 5 او 6 كور فرد لمي الاطراف علي بعضها وشيليها من تحت وحطيها في الصينيه علي ماتخلصي فرد كله هاتي اول واحده وبايدك كدا افردي الفطيره ويكون الفرن سخن وشغال فوق وتحت عالي حطي الفطير واخبزيه
كل الصور من تصويري
الفراخ:
🐔قبل لما تسلقي الفراخ شويحيه مع فصين توم بتبقي الشربه حلوه اوي
🐔حضرى خلطة تحمير الفراخ (الدقيق-النشا-البقسماط-الملح-الفلفل-التوابل الخ) فى برطمان كبير وضعى به معيار يسهل الاخذ منه عند كل تحمير(تكتى والصورة من مطبخى)
🐔 حطى شويه بيكنج بودر ومعلقه نشامع البقسماط وانتى بتحضري البانيه او الفراخ الكنتاكى بتبقى مقرمشه وطعمها حلو
🐔حطى شويه لبن على خلطة البانيه او زبادى بيبقى خطير
الرز بلبن:
🍙بصي حطي ع الارز باللبن لبن بودره وكريم شانتيه بيفرق ف الطعم, بيتحطو بودر و اخر غلوه
الرز:
🍜جربي عصير ليمونه علي الرز البسمتي او الابيض بيخلي طعمه وهم
🍜الرز شوحيه شويه حلوين قبل لما تحتي المياه بيبقي مفلفل حلو اوي لو سقتيه بشربه الفراخ جربيه وهتدعيلي
🍜الارز وانتي بتسقيه بميه او شوربه ضيفي ليه معلقه زيت هيخليه بيلمع اوي
الكفته:
🍡 فصين توم مفرومين مع عجينة الكفته وتولعي فحمايه وطفيها ف العجينه قبل حتى متصبعيها
🍡حطى ع الكفته معلقة بيكنج بودر علشان تنفش واطفى الفحم قبل ما تصبعى وياريت لو تتعمل من بليل
ملحوظه الفحم الذى يباع جاهز خطر
-انا بتبل اللحمه المفروه واصبعها واحطها في الفرن وبعد متستوي اكون مولعه فحمه واحطها جو ة الصنية واحط عليها بمعلقه السمنه اللي في الصنيه واغطيها هتبقي كانها من بره
البيتزا :
🍱الزبادى ف العجينة بيفرق كتير وعلشان تشد زى برة بنحط البيتزا عشر دقايق وأول ما تستوى نخرجها ونحط الجبنة يدوب تسبح بتبقى بتشد زى برة حطى معلقتين او ربع كوباية
🍱لما تيجى تسخنى البيتزا فى الفرن لو بايته حطى معاها فنجان او طبق فيه ميه هتخليها طازة وتحفه
المكرونة الباشميل :
🎀صينية مكرونة بالبشاميل معلقتين لبن على وش صنية المكرونه بالبشاميل وترشي حبة فجيتار عليهم عالوش
🎀صينية مكرونة بالبشاميل شوية جبنه رومى مبشوره ع البشاميل وهو ع النار بيغير الطعم جدا
🎀البشاميل بعد ما تطفي عليه وهو سخن حطي جبنة موتزاريلا كتير هتسيح جواه وبعدين حطيه علي المكرونة بيخليها بتمط وتحفة وعلي الوش ابشري جبنة رومي
🎀البشامل بعمله نى بيكون خفيف بقشطة اللبن مع الدقيق مع لبن وتوضع على النار هاتعمل بشاميل من غير مانحمر الدقيق ولانضع اى سمنه صدقونى هاتعجبكو
🎀 بدل ماتحطي بيض على وش صنيه المكرونه حطي قشطه هتلاقي لون وطعم رائع
-المكرونه بالصلصه اسلقي المكرونه ربع سلقه وخليها تستوي في الصلصه ومتسبكيش الصلصه اوي هتلاقيها احمرت بزياده
صلصة:
- سنة سكر علي اي اكل بتطبيخه
-صلصه الفته حطي فيها بشره جوزه الطيب
-حطي ملعقه سكر مع اي طماطم اوصلصه في اي اكله وبردو مع تتبيلة الفراخ
-وانتي بتحمري البصله لاي خضار حطي عليها فلفل اسود وشمي احلي ريحة صلصه
-التكة الاساسيه السكر مع اللحمه مع الطماطم مع الملوخيه
الملوخية:
🍵علشان تكلى احلى ملوخية اعمليها بشوربة الفراخ وتكونى بشرة جزرة متوسطه مع الفراخ وهى بتتسلق وتصفى الشوربة وتعملى بيها الملوخيه الجزر بيحلى طعم الملوخيه جدا (تكتى )
🍵الملوخية الخضرا بعد ما تحطيها في الشوربة حطي معلقة سكر بيخليها حلوة اوي
🍵 الملوخيه وانا بخرطها بخرط معاها قرن فلفل بيديها طعم جنان وطبعا معلقه سكر صغيره وقت السوا وفي الطشه بعد ما احمر التومه والكزبره ببشر طمطمايه صغيره واسيبها تتسبك مع الطشه واحطها على الملوخيه طعمها بيبقى جميل
اللحمة:
🍣انقعى لحمة او فراخ فى ميه وخل قبل ماتسلقيهم بساعة عشان يستوا بسرعة
🍣ملعقة سكر مع كباب الحله علشان اللحمه متسودش
🍣علشان اى لحوم تستوى بسرعه تحطى نص معلقه سكر وتهدى النار عليها(نص معلقه سكر في اي اكله هتفرق معاكي كتير دي تكة شيفات)
🍣تسويه الاكل على نار هاديه اطعم بكتير
🍣لما تشوى الريش او اللحمه أمسحى على اللحمه والريش بفرشاة فيها زبدة قبل السوى بعشر دقائق(ممكن تحطى عسل نحل كمان واوووووعلى الطعم )
الكبدة:
🍞الكبده الاسكندراني مية السلطه هي اللي بتطعمها والزيت يكون كتيىر ولو حتعملي كميه يبقوا على مراحل
السمك:
🐠لما تيجى تقلى السمك لو حجمه كبير افتحيه بالسكينه فتحتين علشان ميبقاش نى من جوه
وكل ما كان فى التتبيله اكتر كل ماكان احلى
🐠 السمك البلطي جبيه كبير وقسمي نصين وعملى في فتحات فى البطن والظهر والجنب
وتبليه بملح وكمون وبابريكا وتوم بودر ولمون كتير
وقلبيه فى دقيق مع نشا
واقليه فى زيت غزير مغلى
وكلى احلى سمك دهبي ومقرمش والزيت زي الفل ..على عكس التوم الصحيح والفلفل بينزل فى الزيت ويتحرق وبيخلى السمك تقيل
🐠انقعي السمك ف شويه لبن نص ساعه وبعدين طلعيه صفيه وتبليه وقليه مفيش ظفاره نهائي وكولي اطعم سمك
الكيك:
🍔لما تعملى الكيكه ومعندكيش فانيليا حطى معلقه عسل ابيض
🍔الكيكه صيفي معلقه خل وانتي بتضربي البيض هتبقي هايشه جدا
🍔لو عندك لبن قاطع احفظيه فى الفريزر واعملى بيه بشاميل او كيك
العصاير:
معظم العصائر بحطيلها شويه فانيليا بتخليها جميله
التوابل:
🍲مش بستعمل توابل غير الفلفل واللكمون والحبيهان فى الاكل كتر التوابل بتضيع طعم الااكل
المحشي:
🍟وانتي بتسقي المحشي حطي مع الشوربه اللي هتسقي بيها شويه زيت ذره وفلفل اسمر وشطه ومعلقتين صلصه هتخلي طعم المحشي جميل وبيلمع
الطعمية:
ما تكتريش خضرة فيها علشان ما تسودش وما ضفيش اى توابل لها الا عند السوى
افرميها بالملح فقط والثوم وشوية بقدونس قليل هنا طريقة روعه مش هتبطلى تعمليها هنــــــــــا تكتى
المعجنات والمخبوزات:
-اي معجنات ضيفيلها معلقه خل هتخليها طريه وفاتحه
-وانتي بتعملي السينابون ضيفي لمكوناته كيس كريم جانتيه بودر هيخليه خطير ونكهته وهم
-الفطير المشلتت اعجنيه ولما تقطعيه كور حطيه في صواني فيها زيت وغلفيه وسبيه يرتاح لتاني يوم هيفرد معاكي بسهوله جدااا
البيتز بططيها علي دقيق سيمولينا هتبقي زي بتاعت المحلات
طريقة عمل الفطير المشلتت بسهوله:
ال2ك دقيق بيعملو حوالي 5 فطاير وسط
انخلي الدقيق ضيفي عليه معلقتين سكر كبار لكل كيلو ورشه ملح ودفي ميه وابداءي اعجني بايدك او بالعجان واعجنيه كويس اوي لحد مالعجينه تلم كلها معاكي غطيها وسبيها ترتاح نص ساعه
بعد كدا جهزي صواني وحطي فيها ورق زبده وزيت وقطعي العجينه كور لو مثلا كل فطيره 5 او 6 كور اد حجم اليوسفي كدا ورصي الكور دي في الصواني وغطي وشها بزيت بردو وبعد كدا ورق زبده وغلفي الصواني كويس ودخليها التلاجه مش اقل من 5 ساعات ترتاح او ممكن تبيتيها
طلعيها بعد كدا وسيحي زبده بلدي او صفرا اللي يعجبك وابداي افردي الكور واحده فوق واحده وبينهم ترشي زبده خلصتي 5 او 6 كور فرد لمي الاطراف علي بعضها وشيليها من تحت وحطيها في الصينيه علي ماتخلصي فرد كله هاتي اول واحده وبايدك كدا افردي الفطيره ويكون الفرن سخن وشغال فوق وتحت عالي حطي الفطير واخبزيه
كل الصور من تصويري