خبايا غسالة الاطباق وطريقة تشغيلها بدون زيت او ملح

خبايا غسالة الاطباق وطريقة تشغيلها بدون زيت او ملح

 البلاستيك اللى بيدخل غسالة الاطباق بيكون مرسوم عليه شكل الغساله وبها اطباق زى كده
 او مكتوب كتابة انه ينفع يدخل غسالة الاطباق زى الصورة
 شاهدى الحلقة هنا 

👐💅🌸مرطب رهيب لليد والبشرة طبيعى 👐💅🌸

السلام عليكم يا بنات النهارده مرطب فوق الرائع وانسى التشقق والهرش فى اليد بسبب الجفاف واستعمال المائ
فى الاصل اول ما تدخلى المطبخ لازم جلفز👐 بس اوقات مع الاستعجال او لما بنتى تعيط باعمل ببرونة بسرعه فلازم مرطب وفى نفس الوقت بارجع امسك الببرونه فقلت لازم مرطب طبيعى علشان اثرة ما يجيش على الببرونه انا عارفة ان زيت الزيتون رائع فى الترطيب وزيت جوز الهند من اسرار الجمال وزيت القمح لا يعلى عليه للبشرة وللهارلات السوده تحت العين وللشعر كمان ,زكمان زيت جوز الهند يمتاز بتأثير مضاد للبكتيريا والفطريات يعنى مش ترطيب بس ده كمان مطهر وكمان قادر على تأخير ظهور التجاعيد الوصفه من اختراعى فى ساعة صفا مع النفس ;) وبقالى فترة بعملها حتى بعد غسل الايد بيفضل الترطيب ما تنسوش اللايك👍 للفيديو والشير مع صديقتكم وتشتركوا فى القناة علشان تعرفى اسرار كتير هتغير من شكل بيتك بحبكم جدااااا🌸❤🌸
حلقة المرطب

المواد المستخدمه
تابعينى على

🍓✂❤أفضل طريقة لترتيب الادراج فى البيت كله🍓✂❤

ترتيب الادراج
1-افرغى الادراج و اسحبي الاتربه بالمكنسه وامسحى الدرج

2- ضعى استيكر بيدى شكل حلو وبيحافظ على الخشب

  3-قسمي كل محتويات الدرج لمجموعات على مكان مسطح لترى كل المجموعات


4-هاتى مقسمات ادراج  وضعى بها كل مجموعه
الانواع كتير زى الصورة

منظمات بلاستيكيه صغيرة ومنها الوان
منظم بلاستيك كبير من ايكيا اشكاله كثيرة واحجامه
منظمات معدن وديه فى جرير والمكتبات الكبري والهايبر ماركت تلاقيها

اكريليك
فواصل خشب تصنعيها بيدك
 قسمى بنفسك بقطع خشب وغراء الادراج بحيث يناسب التقسيم حجم كل مجموعه
وحجم الدرج

منظمات خشب جاهزة
منظم ايكيا الزجاج
منظم من دايسو ومن ايكيا
منظمات قماش
منظمات بلاستيك عميقه
كرتون  وانتى تغلفيه

شوية ملاحيظ
لا تملى الدرج الى اخرة اتركى دائما مكان فارغ والادراج نصف ممتليئه
كل ما تشترى حاجه جديده تخلصي من اخر قديم وبكده تخلصى من التكدس
كل 3 شهور  ادى بصه سريعه للدرج ورتبيه ونظفيه
فيكون  من السهل ان تعرفى محتويات الدرج
✂️


❤🍛البسبوسه واسرار وتكات نجاحها وتماسكها ❤🍛

طريقه اقوي واسهل بسبوسه ....نبتدي بسم الله الرحمن الرحيم
 ونقول لكل ست بتبوظ منها البسبوسه ده كان زمان دلوقتي هتعمليها وانتي مطمنه

 ❤🍛اولا نحضر العسل
 نجيب كوب ونص سكر وكوبيتين ميه ونحطهم علي النار اول ما تغلي نعصر نص ليمونه ومتزوديش اليمون   علشان العسل ميحدقش ويبقي طعمه لازع
ونسيبه يغلي لمده ربع ساعه

 ❤🍛نحضر البسبوسه
نحط دقيق البسبوسه في طبق ونحط عليه 
علبه زبادي او كوب لبن 
ومعلقه سمن كبيرة 
وكوب ماء 
ومعلقتين دقيق قمح وده علشان وشها ميشققش 
وبيضه علشان تتماسك 
وكيس فانليا 
ومعلقه بيكنك   بودر كبيره 
ونخلط كل ده كويس وندهن صنيه سمن ونزل فيها الخلطه ونكون مشغلين الفرن علي 180قبل ما نحط الصنيه بربع
يعني لازم الفرن يكون سخن ونسيبها لمده 20دقيقه وبعدين نشغل الشوايه علشان نحمر الوش  اللي طبعا بتزينه باي مكسرات  ونحط عليها العسل سخن وهي خارجه من الفرن سخنه ونسيت العسل بعد ما ينزل من علي النار نحطله كيس فانليا ده بيخلي البسبوسه ريحتها تحفه وصدقيني هتكون احلي صنيه  عملتيها ..
#شيماء

❤🍓اسرار المحشي المصرى الناجح❤🍓

اسرار المحشي لكل  ست بيت عربيه اولا خلطة المحشي اللي هي اساس الطعم
 🍓السر الاول
ان الخلطه مينفعش نحط عليها اي توابل غير الكمون والشطه والفلفل الاسود بس الاساس الكمون والملح لكن اي توابل تاني بتبوظ الطعم ...
🍓المهم السر الثاني
 ان خلطة الممبار الوحيده اللي ينفع نحط فيها ثوم
 🍓اما السر الثالث 
ان خلطه الممبار لازم نزود الزيت علشان ينزل الرز بسرعه ويبقي سهل الحشو    ...
 🍓اما السر الرابع 
واللي يخص الممار بس هو الكسبره النشفه اللي لازم نحطها في الخلطه وبعد ما يتحمر نرش عليه شوية كسبره تاني دي بتديله طعم تاني تحفه
 🍓السر الخامس 
هو خضرة المحشي ودي مكونه من شبت وكسبره وبقدونس ودي لازم نكترها لان هي اساس الطعم وسر صغير لو عايزه تخزنيها اغسليها وصفيها كويس من الميه وقطعيها وحطيها في الكيس في الفريزر وممكن تاخد اكتر من 6شهور ويفضل لونها اخضر بس اهم حاجه لازم تتصفي كويس قبل  التقطيع ..........

❤🍓بعد كل الاسرار يلا بينا نعمل الخلطه ❤🍓
اولا نحمر بصله كبيره وننزل عليها الخضره شبت وكسبره وبقدونس ونقلبها شويه مع البصل وده علشان تنزل الزيوت اللي فيها وريحتها تفحفح 
وبعدين ننزل الصلصه ونحط ملح وكمون وشطه لو حبيتي ونسبها تتسبك كويس ونكون شاطفين الرز ومصفينه ونحطه علي الصلصه
ونقلبه لمدة دقيقه ونزله يبرد ونحشي بيه كرنب ورق عنب كوسه فلفل اخضر اي حاجه تحبيها ولما تيجي تسوي المحشي حطي ربع كوب زيت علشان ميلزقش في بعض وتحطي عليه الشوربه سخنه علشان ميعجنش منك وطبعا لازم بعد 10دقائق توطي عليه النار خالص وبالهنا والشفا 
#شيماء

احلي فراخ بصلصلة الباربكيو بالصور مش هتبطلى تعمليها

احلي فراخ بصلصلة   الباربكيو بالصور.... الطريقه سهله خالص.الاول
 اعملي الصلصه اسلوقي الطماطم من غير اي ماء قطعيها بس وهي هتنزل ميتها اول ما تغلي سيبيها عشر دقائق واطفي عليها واضربيها وصفيها
 وقطعي بصله وحمريها كويس لحد ما تحمر  وحطي معها معلقه ثوم وبسرعه حطي الصلصه وبعدين حطي ملح
واربع معالق سكر
وربع كوب خل ابيض
 وكمون
 وزعتر
 وروز ماري
وفلفل اسود
وبابريكا
سيبيها    تغلي ربع ساعه لحد ما تحمر وتتقل زي الكاتشب ولو عندك  عسل اسود معلقتين كبار وبعدين صفيها  من البصل وحطي الفراخ في صنيه وصبي نص الصلصه عليها

 وحطيها في الفرن لمدة 30دقيقه وبعد كده تحت الشوايه
لحد ما تحمر وقدمي جمبها باقي الصلصه لان طعمها تحفه معها وكلي بالهنا والشفا

#شيماء