محشى كرنب مع سر جديد من اسرارى هيفرق فى الطعم 100%

القسم

الشتاء قرب وطبعا كلنا كبار وصغيرين بنموت فى المحشى بكل انواعه وخصوصا الكرنب وانا حبيت اعملهلكوا بكل تفاصيله وهضيف عليه سر من اسرارى وطبعا النفس بتاعك هيخليه احلى واحلى.

تعالى معايا نبتدى باهم حاجه وهى خلطة المحشي المصري.
اولا المكونات:
هتجيبى خضره محشى ( شبت وكسبره وبقدونس)
وطبعا بصله كبيره_ وصلصه طماطم_ وملح وكمون وكسبره ناشفه_ ونعناع ناشف ده بيذود الطعم حلاوه_ ورز مغسول ومصفى
  التحضير بقى : اول سر
هتحمرى البصله كويس وتنزلى عليها نصف كميه الخضره وتقلبيها وده اول سر من اسرارى لانك كده بتنزلى الزيوت اللى فى الخضره وبتخلى الطعم يبان اكتر.
السر المهم قوى:✌✌
بعد كده حطى الطماطم وسيبيها تتسبك ونزلى معاها الملح والكمون والكسبره والفلفل ولو بتحبى الشطه ده اختيارى بس
(( اوعى تضيفى اى بهرات او زعتر او روز مارى ))☹☹لان الخضره ليها روائح جامده لو حطيتى اى بهرات الروئح دى بتدى طعم وحش جدا جدا .
بعد ما تتسبك الطماطم نزلى الرز وقلبيه شويه فى الصلصه واطفى النار وسيبيه يبرد ... 
حضرى الكرنبه وانتى بتلوقيها اوعى تنسى حطى ملح وكمون فى الميه علشان الكرنب ميتعبش معدتك...
واحشيه ورصيه فى الحله وتكون الشوربه محضراها سوخنه مضاف ليها جزره مبشوره وطمطمايه وورق لورى وفلفل اسود وبصله وطبعا فراخ او لحمه او مكعب مرق انتى واللى تحبيه .
بس متزوديش الشوربه علشان ميعجنش حطيها زى الصوره باظبط وبالهنا والشفا .
رجاء لا تنسى الدعاء لنا ولوالدينا

إليكي أفضل الحلول لمنزل خالي من الفوضى لمنزل منظم مقدمة من موقع جودي الاروبة حيث يوفر لك أفضل الحلول لتخزين سهل وسريع بالإضافة إلى النصيحة التي يمكن أن تساعدك في تنظيم منزل يستحق الإقامة فيه و بميزانية صغيرة تعلمي كيفية تنظيم منزلك ، وتبسيط الحياة والحصول على المزيد من الوقت للأشياء التي تحبها. تكشف الخبيرة التنظيمية أمينة أحمد ، الخبيرة التنظيمية في قناة جودي الاروبة على اليوتيوب ، عن نصائحها وحيلها وأسرارها للحصول على بيت خالٍ من الفوضى في 15 دقيقة فقط في اليوم.


الابتساماتEmoticon