غلطاتنا فى المطابخ وازاى نتفادها عند تصميم المطبخ
غلطاتنا فى المطابخ وازاى نتفاداها عند تصميم مطابخنا 2013 الجزء الاول
غلطاتنا فى المطابخ وازاى نتفاداها عند تصميم مطابخنا 2013 الجزء الاول صور وشرح فيديو عربي
1- افضل حاجه الحوض بحلتين
ممكن يجو مع بعض
وممكن حلل منفصله وتسقطيها فى الرخامه
اهم حاجه اعرفى المساحه المتاحه لكى للحوض وعلى اساسها اشترى الحوض
افضل طبعا الحوضين
لو فى عندك مواعين بسهوله هتخلصيها
وان كان عندك خضار او اى حاجه عايزه تغسليها هتلاقى حوض تانى فارغ تعرفى تغسلي اللى انتى عايزاه
2-يفضل الحوض تحت الشباك بس هذا بيحدده مكانالصرف اللى عندك
عرف السباك يعملك النظام هذا اوكيه معرفش خلاص
حددتى مكان الحوض
3-حددى مكان الوتاجاز
اوعى تلزقيه فى الحوض على قد ما تقدرى
ان كنتى مركبه غاز وعايزه تغيرى مكان البوتاجاز هتتصلى بالشركه تغيرلك اماكن المواسير
بعد ما عرفتى اماكن اهم اثنين فى المطبخ
4-هتنزلى وتاخدى مقاسات الاجهزه اللى عايزه تشتريه وهتكتبيها فى نوته مش ورقه واحتفظى بها
بعد ماعرفتى مقاس الاجهزة
5-هتعرفى ما هى المساحات الفارغه الموجوده عندك فى المطبخ وهتمليها بالدرف او الدرف والادراج
هترسمى فى ورقه كبيرة شكل مطبخك
مع كتابه مساحته
مع كتابه اماكن الاجهزة والحوض بالمساحه ايضا وهتظبطى مع الاسطى اللى هيعملك المطبخ
-هذا رسم يوضح طريقة اخذ مقاسات المطبخ
-مثلث العمل حاولى تراعيه اثناء تصميمن المطبخ هي سهل عليكى كتير
-استغلال المساحه تحت الحوض بشكل عملى ومنظم
ادوات النظافه فى درج اسفل الحوض
-استخدام الدراج المتحركه داخل الدرف اسفل الحوض
-نفس الفكره بس الصورة لحوض الحمام
-اكسسورات المطابخ اللى زى الوحده هذه فى الاسفل
ممكن تلاقوها فى اماكن كثير فى مصر
ولكن فى العتبه فى شارع الرويعى مول لاكسسورات المطبخ بأقل الاسعار اسمه مول العربى
-روعه فى تسهيل النظافه
-افرغى المسحوق اللى بيجى فى اكياس فى بوكسات او برطمنات اسهل وانظف وتعرفى تخزنيه بسهوله
6- اعملى الباسكت داخل رف
ممكن تقسمى بجوارة مكان للاكياس
7- دولا ب المقشات والمكنسه كل اللى ما عملوش ندم
بتنظمى فيه
المقشات الناعمه والخشنه
المكنسه
الجروف
اكياس الزباله
المكوه
طرابيزة المكوة
مناديل الحمام
سلاكة الحوض
...الخ
ان عجبكم قيموا ان تعبت بجد
وان حبيتم تنقلوا قولوا اسم المصدر فقط اى خدمه
